ରାୟଗଡା: ସାରା ରାଜ୍ୟ ସମେତ ଶିଳ୍ପାୟନର ସହର ରାୟଗଡ଼ାରେ ମଧ୍ୟ ଗ୍ରୀଷ୍ମର ରାଜୁତି । ପାରଦ 45 ଡିଗ୍ରୀ ଉପରେ ଥିବା ବେଳେ ଦିନ ୧୧ ଟାରୁ ରାସ୍ତା ଘାଟ ଶୁନଶାନ ହୋଇଯାଉଛି । ଲୁ ପ୍ରଭାବ ଯୋଗୁଁ ଲୋକେ ଘରୁ ବାହାରିବାକୁ ନିରାପଦ ମଣୁନାହାଁନ୍ତି ଜିଲ୍ଲାବାସୀ ।
ଏହା ମଧ୍ୟ ପଢ଼ନ୍ତୁ: ତାତିରୁ ତ୍ରାହି ଦେଉଛି ଯାଜପୁରର ଦେଶୀ ତରଭୁଜ
ପ୍ରଖର ସୂର୍ଯ୍ୟ କିରଣ ସାଙ୍ଗକୁ ଦେହ ଜାଳିଦେଲା ଭଳି ତାତିରେ ଅସ୍ତବ୍ୟସ୍ତ ହୋଇପଡିଛି ସାଧାରଣ ଜନଜୀବନ । ଗୋଟିଏ ସପ୍ତାହ ମଧ୍ୟରେ ରାୟଗଡା ଜିଲ୍ଲାର ତାପମାତ୍ରା 40 ଡିଗ୍ରୀରୁ ବୃଦ୍ଧି ପାଇଁ 45 ଡିଗ୍ରୀରେ ପହଞ୍ଚିଲାଣି । ଗରମ ଓ ଗୁଳୁଗୁଳି ସାଙ୍ଗକୁ ଦକ୍ଷିଣ ପଶ୍ଚିମ ଲୁ’ର ପ୍ରବାହରେ ହନ୍ତସନ୍ତ ହୋଇପଡିଛନ୍ତି ଲୋକେ । ବିଗତ ୨୦ ବର୍ଷ ମଧ୍ୟରେ ଏଭଳି ତାତି ଅନୁଭବ ହୋଇନଥିବା ଲୋକେ କହୁଥିବା ବେଳେ ଆଗକୁ ଆହୁରି ଗ୍ରୀଷ୍ମ ପ୍ରବାହ ବଢ଼ିବ ବୋଲି ପାଣିପାଗ ବିଭାଗ ଆକଳନ କରିଛି ।
ବାତ୍ୟା ଫନି ପରେ ରାୟଗଡା ଜିଲ୍ଲାବାସୀଙ୍କୁ ଗ୍ରୀଷ୍ମ ଲହରୀ ଅତିଷ୍ଟ କରିଦେଇଛି । ଘଣ୍ଟାକୁ ୧୨ କିଲୋମିଟର ବେଗରେ ଲୁ ପ୍ରବାହ ଉତ୍ତାପକୁ ଦ୍ୱିଗୁଣିତ କରିଛି । ଏଭଳି ସ୍ଥିତିରେ ସହରର ଥଣ୍ଡା ପାନୀୟ ଦୋକାନ ଓ ପଥପ୍ରାନ୍ତ ଜଳ ଛତ୍ରରେ ଲୋକଙ୍କ ଭିଡ଼ ଦେଖିବାକୁ ମିଲିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
