ରାୟଗଡା: ବିଜ୍ଞାନ ଯେତେ ଆଗେଇଲେ ମଧ୍ୟ ଆଜି ବି ଆଦିବାସୀ ଅଧ୍ୟୁଷିତ ଜିଲ୍ଲାରେ ଅନ୍ଧ ବିଶ୍ବାସ ଭରି ହୋଇ ରହିଛି । ଏକବିଂଶ ଶତାବ୍ଦୀରେ ଯେଉଁଠି ବିଜ୍ଞାନ ପ୍ରଗତି କରୁଛି, ମଣିଷ ମହାକାଶ ଯାତ୍ରା କରୁଛି ଏବଂ ଯୁଗ ସହିତ ତାଳ ଦେଇ ଆମ ସମାଜ ଆଗକୁ ବଢୁଛି ସେଠାରେ ଅନ୍ଧ ବିଶ୍ବାସ ଏକ କୁଞ୍ଚିତ ପରମ୍ପରା ଭଳି ଆମ ସମାଜରେ ଘର କରି ରହିଯାଇଛି । ଯାହାର ଏକ ଜ୍ବଳନ୍ତ ଉଦାହରଣ ଦେଖିବାକୁ ମିଳିଛି ରାୟଗଡା ଜିଲ୍ଲାରେ ।
ଗାଁର ଯାନୀ ଯାତ୍ରା ପାଇଁ ଏଠି କୌଣସି ପୂଜାର୍ଚ୍ଚନା ଚାଲିନି ବରଂ ସନ୍ତାନ ସୁଖ ପାଇଁ ପୂଜାର୍ଚ୍ଚନା କରୁଛନ୍ତି ରାୟଗଡା ଜିଲ୍ଲା କୁମ୍ଭୀକୋଟ ଗାଁର ଶୁକୃ ମିଣିଆକା ଏବଂ ତାଙ୍କ ସ୍ତ୍ରୀ ରୁଆଇ ମିଣିଆକା । ଏହାକୁ ହାରତା ପୂଜା ବା ଧରତୀ ପୂଜା କୁହାଯାଏ । ସନ୍ତାନ ସୁଖ ପାଇଁ ଡାକ୍ତରଙ୍କ ପାଖକୁ ଯିବା ବଦଳରେ ନୀରିହ ପଶୁକୁ ବଳି ଦେଇ ଗାଁର ପୂଜାରୀ ଉପରେ ଭରଷା କରିଛନ୍ତି ଗାଁର ନୀରିହ ଆଦିବାସୀ । ପଶୁବଳି ବନ୍ଦ ହେବା ସତ୍ବେ ଏବେ ବି ଅନ୍ଧ ବିଶ୍ବାସ ପାଇଁ ନିପୀହ ଜୀବଜନ୍ତୁଙ୍କୁ ବଳି ଦେଉଛନ୍ତି ସେମାନେ । ଏହି ପୂଜା କାଲେ ନିସନ୍ତାନ ଦମ୍ପତି ସନ୍ତାନ ଲାଭ କରିଥାନ୍ତି ବୋଲି ଆଦିବାସୀଙ୍କ ମଧ୍ୟରେ ବିଶ୍ବାସ ରହିଛି । କେବଳ ସେତିକି ନୁହେଁ ଏହି ପୂଜା ଦ୍ଵାରା ପରିବାରର ସଦସ୍ୟ ଏବଂ ଶିଶୁ ରୋଗମୁକ୍ତ ରୁହନ୍ତି ବୋଲି ସେମାନଙ୍କ ଧାରଣା ରହିଛି ।