ରାୟଗଡା: ମହିଳା ଦିବସରେ ମହିଳାଙ୍କୁ ଜାଳି ପୋଡି ମାରି ଦେଇଥିବା ଅଭିଯୋଗ । ରାୟଗଡା ଜିଲ୍ଲା ଗୁଣୁପୁର ସହରସ୍ଥିତ ମୋତିଲାଲ ନଗରରୁ ଆସିଛି ଏଭଳି ଅଭାବନୀୟ ଘଟଣା । ମୋତିଲାଲନଗରର ଏକ ପରିତ୍ୟକ୍ତ ଡ୍ରେନରୁ ଅର୍ଦ୍ଧ ଦଗ୍ଧ ମହିଳାଙ୍କ ମୃତଦେହ ଉଦ୍ଧାର କରାଯାଇଥିଲା । ଶାଶୂଘର ଲୋକେ ମାରିଦେଇଥିବା ନେଇ ଅଭିଯୋଗ ଆଣିଛନ୍ତି ମହିଳାଙ୍କ ପରିବାର ଲୋକେ । ଏନେଇ ଝିଅ ଘର ଲୋକେ ସ୍ଥାନୀୟ ଗୁଣୁପୁର ପୋଲିସ ଷ୍ଟେସନରେ ଅଭିଯୋଗ ଆଣିଛନ୍ତି ।
ପରିତ୍ୟକ୍ତ ଡ୍ରେନରୁ ମହିଳାଙ୍କ ଅର୍ଦ୍ଧ୍ବଦଗ୍ଧ ମୃତଦେହ ଉଦ୍ଧାର
ମୋତିଲାଲ ନଗରସ୍ଥିତ ଏକ ନର୍ଦ୍ଧମାରେ ଚିନ୍ନା ଆମୁଲୁଙ୍କ ମୃତଦେହ ପଡିଥିଲା । ଏହି ଖବର ପାଇବା ପରେ ଆନ୍ଧ୍ରପ୍ରଦେଶ ଅନ୍ତର୍ଗତ ହିରମଣ୍ଡଳମ ନିକଟସ୍ଥ ଗାଁରେ ରହୁଥିବା ଚିନ୍ନା ଆମାଲୁଙ୍କ ପରିବାର ଲୋକେ ଘଟଣାସ୍ଥଳରେ ପହଞ୍ଚିଥିଲେ । ଏହା ପରେ ଶାଶୂ ଘର ଲୋକଙ୍କ ନାଁରେ ପରିବାର ଲୋକେ ଥାନାରେ ଅଭିଯୋଗ ଆଣିଥିଲେ ।