ରାୟଗଡା: ସାରା ରାଜ୍ୟରେ ରାମ ଜନ୍ମଭୂମି ନିର୍ମାଣ ପାଇଁ ଜିଲ୍ଲାଗୁଡିକରେ ନିଧି ସଂଗ୍ରହ ଅଭିଯାନ ଆରମ୍ଭ ହୋଇଯାଇଛି । ରାୟଗଡାରେ ଏହି ନିଧି ସଂଗ୍ରହ କାର୍ଯ୍ୟକ୍ରମ ମାସକ ଧରି ଚଲାଇବାକୁ ଲକ୍ଷ୍ୟ ରଖାଯାଇଛି ।
ରାମ ଜନ୍ମଭୂମି ପାଇଁ ନିଧି ସଂଗ୍ରହ ଅଭିଯାନ
ଭବ୍ୟ ରାମ ମନ୍ଦିର ନିର୍ମାଣ ପାଇଁ ସାରା ଦେଶରେ ନିଧ ସଂଗ୍ରହ ଚାଲିଥିବା ବେଳେ ରାୟଗଡା ଜିଲ୍ଲାରେ ରାମ ଭକ୍ତମାନେ ଏକତ୍ରିତ ହୋଇଛନ୍ତି । ଅଯୋଧ୍ୟ୍ୟାରେ ରାମ ମନ୍ଦିର ନିର୍ମାଣ ପାଇଁ ସୋମବାର ସକାଳ ୯.୦୦ଘଣ୍ଟିକା ସମୟରେ ପୂର୍ବ ନିର୍ଦ୍ଧାରିତ ନିୟମ ଅନୁଯାୟୀ ରାୟଗଡା ଶ୍ରୀ ଜଗନ୍ନାଥ ମନ୍ଦିର ଠାର ପୂଜାର୍ଚ୍ଚନା ସାରି " ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ନିଧି ସଂଗ୍ରହ ଅଭିଯାନ ରଥ " ବାହାରିଛି । ପୁରୁଣା ବସଷ୍ଟାଣ୍ଡ , ମେନ ରୋଡ ଦେଇ ସାରଳା ଛକଠାରେ ଅଭିଯାନ ସମାପ୍ତ ହୋଇଥିଲା । ଏଥିରେ ରାୟଗଡା ସହରର ଶତାଧିକ ଲୋକ ଉପସ୍ଥିତ ଥିଲେ ।