ରାୟଗଡା: ଲଗାଣ ବର୍ଷା ଫଳରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ଜିଲ୍ଲାରେ ବୋହି ଯାଉଥିବା ବିଭିନ୍ନ ନଦୀରେ ବନ୍ୟା ଆସି ସ୍ଥିତି ଜଟିଳ କରିଛି । ବିଶେଷ କରି ନାଗାବଳୀ, ବଂଶଧାରା ଓ କଲ୍ୟାଣୀ ନଦୀର ଜଳ ସ୍ଥର ବଢ଼ି ବିପଦ ସଂକେତ ଉପରେ ବହୁଛି । ଫଳରେ ଜିଲ୍ଲାକୁ ବିଭିନ୍ନ ଆଡୁ ଯୋଗାଯୋଗ ବିଚ୍ଛିନ୍ନ ହୋଇଛି ।
ଗୁଡାରି ବ୍ଲକ ସଦର ମହକୁମା ବ୍ରାହ୍ମଣ ସାହି, ଲାଡି ସାହି, ଫୁଲବଗିଚା ସାହି ସହ ଅନ୍ୟ କିଛି ସାହିରେ ବଂଶଧାରା ପାଣି ପଶିଯିବା ଫଳରେ ପାଖାପାଖି 200 ପରିବାରକୁ ସୁରକ୍ଷିତ ସ୍ଥାନଙ୍କୁ ସ୍ଥାନାନ୍ତର କରାଯାଇଛି । ସେହିଭଳି ଗୁମୁଡ଼ା ଗୁଣପୁର ଭାମିନିର ମୁଖ୍ୟ ରାସ୍ତା ଉପରେ 2 ଫୁଟ ଉଚ୍ଚର ପାଣି ଚାଲିବା ଫଳରେ ଗୁଣପୁର ରାୟଗଡା ଯୋଗାଯୋଗ ବିଚ୍ଛିନ୍ନ ହୋଇଛି । ଗୁଡ଼ାରି ବ୍ଲକର ଅନେକ ଗାଁରେ ବଂଶଧାରା ନଦୀର ପାଣି ପଶିଥିବାବେଳେ କର୍ଣ୍ଣପାଡୁ ଗାଁରେ 80 ଟି ମଇଁଷି ଭାସିଯାଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡା