ରାୟଗଡା: ସରିଲା ରାୟଗଡା ଜିଲ୍ଲା ପରିଷଦର ପାଞ୍ଚ ବର୍ଷୀୟ କାର୍ଯ୍ୟକାଳ । ଜିଲ୍ଳା ପରିଷଦର ୭୪ତମ ତଥା ଚଳିତ ପରିଷଦର ଶେଷ ବୈଠକ ଶୁକ୍ରବାର ସ୍ଥାନୀୟ ଡିଆରଡିଏ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି । ଜିଲ୍ଳା ପରିଷଦର ଅଧ୍ୟକ୍ଷ ଗଙ୍ଗାଧର ପୁଆଲା ବୈଠକରେ ଅଧ୍ୟକ୍ଷତା କରିଛନ୍ତି । ଏଥିରେ ଗତ ପାଞ୍ଚ ବର୍ଷର ହୋଇଥିବା ଉନ୍ନୟନମୂଳକ କାର୍ଯ୍ୟ ଉପରେ ଆଲୋକପାତ କରାଯାଇଛି ।
ସାରିଲା ରାୟଗଡା ଜିଲ୍ଲା ପରିଷଦର ପାଞ୍ଚ ବର୍ଷୀୟ କାର୍ଯ୍ୟକାଳ
ଚଳିତ ପରିଷଦର ଶେଷ ବୈଠକରେ ଅନୁସୂଚିତ ଜାତି ଓ ଜନଜାତି ଉନ୍ନୟନ, ପଛୁଆ ବର୍ଗ ଓ ସଂଖ୍ୟାଲଘୁ କଲ୍ୟାଣ ମନ୍ତ୍ରୀ ଜଗନ୍ନାଥ ସାରକା, କୋରାପୁଟ ଲୋକସଭା ସାଂସଦ ପ୍ରତିନିଧି ସୁନୀଲ କୁମାର ପଣ୍ଡା, ରାୟଗଡ ବିଧାୟକ ମକରନ୍ଦ ମୁଦୁଲି, ଗୁଣପୁର ବିଧାୟକ ରଘୁନାଥ ଗମାଙ୍ଗଙ୍କ ସମେତ ସମସ୍ତ ଜିଲ୍ଳା ପରିଷଦ ସଭ୍ୟସଭ୍ୟା, ପଞ୍ଚାୟତ ସମିତି ଅଧ୍ୟକ୍ଷ ସମେତ ଜିଲ୍ଲା ସ୍ତରୀୟ ସମସ୍ତ ଅଧିକାରୀ ଅଂଶଗ୍ରହଣ କରିଥିଲେ।