କୋଇଲା ବୋଝେଇ ଟ୍ରେନରେ ନିଆଁ

ରାୟଗଡା ଷ୍ଟେସନରେ ଛିଡା ହୋଇଥିବା ମାଲବାହୀ ଟ୍ରେନର 4ଟି ବଗିରେ ଅଗ୍ନିକାଣ୍ଡ । ବିଶାଖାପଟଣାରୁ ରାୟପୁର ଅଭିମୁଖେ ଯାଉଥିଲା ଟ୍ରେନ । ଅଗ୍ନିଶମ ବିଭାଗକୁ ଖବର ଦିଆଯିବା ପରେ ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି ।

ରାୟଗଡା: ରାୟଗଡା ଷ୍ଟେସନର ଛଅ ନମ୍ବର ଟ୍ରାକରେ ଛିିଡା ହୋଇଥିବା ମାଲବାହୀ ଟ୍ରେନର 4ଟି ବଗିରେ ନିଆଁ ଲାଗିଯାଇଥିବା ସୂଚନା । ତେବେ ବିଶାଖାପଟଣାରୁ ରାୟପୁର ଅଭିମୁଖେ ଯାଉଥିବା ଏହି କୋଇଲା ବୋଝେଇ ଟ୍ରେନରୁ ଧୁଆଁ ବହାରୁଥିବା ଦେଖି ରେଳବାଇ କର୍ମଚାରୀ ଷ୍ଟେସନ ମାଷ୍ଟରଙ୍କୁ ଖବର ଦେଇଥିଲେ । ଏନେଇ ରେଳବିଭାଗ ପକ୍ଷରୁ ଅଗ୍ନିଶମ ବିଭାଗକୁ ଖବର ଦିଆଯିବା ପରେ ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି ।

କୋଇଲା ବୋଝେଇ ବଗିରେ କୋଇଲା ମଧ୍ୟରେ ଫାଙ୍କ ଯୋଗୁଁ କୋଇଲା ମଧ୍ୟରେ ଘର୍ଷଣ ହୋଇ ନିଆଁ ଲାଗି ଥାଇପାରେ ବୋଲି ସନ୍ଦେହ କରାଯାଉଛି । ତେବେ ପ୍ରଥମେ ବିଶାଖାପାଟଣା ପରେ ସିମାଞ୍ଚଳ ଷ୍ଟେସନରେ ନିଆଁ ଦେଖି ସେଠାରେ ପାଣି ପକାଯାଇଥିଲା ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ