ରାୟଗଡା:ଗୁଣପୁରରେ ମାତିଛନ୍ତି ଲେଟେରା । ଘରେ କେହି ନଥିବା ବେଳେ କଳାକନା ବୁଲେଇଲେ ଚୋର । ଘରେ ପଶି ସୁନା ଗହଣା ଓ ଟଙ୍କା ଲୁଟି ନେଲେ ଦୁର୍ବୃତ୍ତ । ଅସୁରକ୍ଷିତ ହୋଇପଡ଼ିଛି ରାୟଗଡ଼ା ଜିଲ୍ଲ ଗୁଣପୁର ସହର । ଆଜି ପୁରୁଣା ଗୁଣପୁର ପାଇକ ସାହିର ପୁରୁଣା ଗୁଣପୁରର ପ୍ରଶାନ୍ତ କୁମାର ଜେନାଙ୍କ ଘରୁ ସୁନା ଗହଣା ଓ ଟଙ୍କା ଚୋରି ହୋଇଛି । ତେବେ ଏହି ଘଟଣାରେ ପୋଲିସ, ସନ୍ଧନୀ କୁକୁର ଓ ସାଇଣ୍ଟିଫିକ୍ ଟିମ୍ ପହଞ୍ଚି ଛାନ୍ଭିନ ଆରମ୍ଭ କରିଛି ।
ମାତିଛନ୍ତି ଲେଟେରା, ଘରେ ନଥିବା ବେଳେ ୧୦ ଭରି ସୁନା ସହିତ ୫୦ ହଜାର ଟଙ୍କା ଲୁଟ୍
ସୂଚନା ଥାଉ କି, ରାୟଗଡା ଜିଲ୍ଲା ପୁରୁଣା ଗୁଣପୁରର ପ୍ରଶାନ୍ତ କୁମାର ଜେନାଙ୍କ ପରିବାର ଶନିବାର ଠାରୁ ରାଉରକେଲା ଯାଇଥିଲେ । କିଛି ଦିନ ହେବ ଘରେ ତାଲା ପଡିଥିବା ଦେଖିଥିଲେ ଦୁର୍ବୃତ୍ତ । ଏହାର ଫାଇଦା ନେଇ ଘରେ ତାଲା ଭାଙ୍ଗି ଚୋରି କରିବାର କରିଥିଲେ ଯୋଜନା । ଘରେ କେହି ନଥିବାର ସୁଯୋଗ ନେଇ ବିଳମ୍ବିତ ରାତିରେ ଦୁର୍ବୃତ୍ତମାନେ ଘରର କବାଟ ତାଡ଼ି ପଶିଥିଲେ । ଏହା ପରେ ଆଲମିରା ଭାଙ୍ଗି ସମସ୍ତ ସୁନା ରୂପା ଓ ଟଙ୍କା ଚୋରି କରିଥିଲେ ।