ରାୟଗଡ଼ା: ଗୁଣୁପୁର ଓକିଲଗୁଡା ପଥର ଖାଦାନରେ ଘଟିଛି ଅଘଟଣ । ଖାଦାନରେ ଗୋଟିଏ ଟ୍ରାକ୍ଟରରେ ଶ୍ରମିକ ପଥର ଲୋଡିଂ କରିବା ବେଳେ ସେହି ଖାଦାନରେ ଅନ୍ୟପଟେ ପଥର ବ୍ଲାଷ୍ଟିଂ କରିଯାଇଥିଲା । ସେହି ସମୟରେ ପଥର ଲୋଡିଂ ଟ୍ରାକ୍ଟର ଓଲଟିଥିଲା ।
ଘଟଣାସ୍ଥଳରେ ପଥର ଉଡି ଶ୍ରମିକମାନଙ୍କୁ ବାଜିଯାଇଥିଲା । ଫଳରେ ଘଟଣାସ୍ଥଳରେ ହିଁ ତିନି ଶ୍ରମିକଙ୍କର ମୃତ୍ୟୁ ଘଟିଛି । ତିନିଜଣଙ୍କ ମଧ୍ୟରୁ ଜଣେ ଶ୍ରମିକର ମୁଣ୍ଡ ବିହିନ ମୃତଦେହ ଦେଖିବାକୁ ମିଳିଛି । ଅନ୍ୟପଟେ ଏହି ଘଟଣାରେ ତିନି ଜଣ ଶ୍ରମିକ ଆହତ ହୋଇଥିବା ବେଳେ ଆଉ ତିନି ଜଣ ଶ୍ରମିକ ଗରୁତର ରହିଛନ୍ତି । ମୃତକମାନେ ହେଲେ ଗୁଣୁପୁର ବ୍ଲକ୍ ନୁଙ୍ଗୁରତାଲ ଗ୍ରାମର ଦୁଇ ଶ୍ରମିକ ଜମେଶ ଶବର ଓ କୁଶବତୀ ଶବର । ଅନ୍ୟଜଣେ ମୃତକ ହେଲେ ଗୁଡି ଶବର ସମ୍ଫନି ଗ୍ରାମର ବୋଲି ଜଣାପଡିଛି ।
ଘଟଣାସ୍ଥଳରୁ ପଥର ଖାଦାନର ମାଲିକ ଫେରର୍ ଥିବା ଦେଖିବାକୁ ମିଳିଛି । ଗୁରୁତର ଓ ଆହତ ଶ୍ରମିକଙ୍କ ପରିବାର ୧୦୮ ଓ ଅଗ୍ନିଶମ ବାହୀନିକୁ ଯୋଗାଯୋଗ କରି ସମସ୍ତଙ୍କୁ ଗୁଣୁପୁର ମେଡିକାଲକୁ ପଠାଯାଇଥିଲା । ଏହାପର ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ କରୁଥିବା ଦେଖିବାକୁ ମିଳିଛି । ସେପଟେ ଘଟଣାସ୍ଥଳରେ ଗୁଣୁପୁର ବ୍ଲକ୍ ବିଡିଓ ଶାନ୍ତି ଲତା ପ୍ରଧାନ ପହଞ୍ଚି ଘଟଣାର ଅନୁଧ୍ୟାନ କରିଛନ୍ତି ।
ରାୟଗଡ଼ାରୁ ରଞ୍ଜନ ରଥ, ଇଟିଭି ଭାରତ