ରାୟଗଡା: ସୀମାନ୍ତରେ ପୁଣି ହାତୀ ଆତଙ୍କ । ଘଟଣା ଘଟିଛି ରାୟଗଡ଼ା ସଦର ମହକୁମାର ୨୫କିଲୋମିଟର ଆନ୍ଧ୍ର ସୀମାନ୍ତ କେରେଡ଼ା ପଞ୍ଚାୟତର ଅନିଜି ଗାଁରେ । ଓଡ଼ିଶା, ଆନ୍ଧ୍ର ସୀମାନ୍ତରେ ସକାଳୁ ସକାଳୁ ବଣୁଆ ହାତୀପଲ ପଶି ଆସିଛନ୍ତି ।
ଏହି ହାତୀପଲରେ 12ଟି ହାତୀ ଥିବାବେଳେ ଏମାନେ ଆନ୍ଧ୍ରପ୍ରଦେଶର ଶ୍ରୀକାକୁଲମ ଜିଲ୍ଲାର ସିତମପେଟା ଜଙ୍ଗଲରୁ ଆସିଥିବାର ଜଣାପଡିଛି । ଏହି ହାତୀପଲ ପାର୍ବତୀପୁରର ଝଞ୍ଜାବତୀ ଡ୍ୟାମ କୂଳେ କୂଳେ କମରଡ଼ା ଦେଇ ରାମଭଦ୍ରମପୁରମ, ପାର୍ବତୀପୁରମ ଦେଇ ଅନିଜାଗାଁର ଜଙ୍ଗଲରେ ପ୍ରବେଶ କରିଥିବାର ଗ୍ରାମବାସୀ କହିଛନ୍ତି । ରାୟଗଡା ଜିଲ୍ଲାର ସୀମାନ୍ତ ଗ୍ରାମ କେରେଡା, ଅନିଜା, ବୋରୁ ହାଲୁଆ ଗ୍ରାମ, ଆମ୍ପାଲୱାଲାସା ଗାଁ ଗୁଡିକରେ ହାତୀ ଗୁଡିକ ପଶି ବ୍ୟାପକ ଫସଲ ନଷ୍ଟ କରିଥିବା ଜଣାପଡିଛି ।
ଆନ୍ଧ୍ର-ଓଡିଶା ସୀମାନ୍ତରେ ହାତୀ ଆତଙ୍କ