ରାୟଗଡ଼ା: ଇଲେକ୍ଟ୍ରି ତାର ଛିଡି ଜଣଙ୍କର ମୃତ୍ୟୁ ଘଟିଥିବାବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି । ତେବେ ଆହତ ଏକ ଘରୋଇ ମେଡିକାଲରେ ଭର୍ତ୍ତି ହୋଇଛନ୍ତି । ଏପରି ଦୁଖଃଦ ଘଟଣା ଘଟିଛି ରାୟଗଡା ଜିଲ୍ଲା ବିଷମକଟକ ଥାନା ଅନ୍ତର୍ଗତ ଉର୍ଲାଯୋଡି ଗ୍ରାମରେ ।
ଭିଡ଼ିଓ ସୌଜନ୍ଯ: ସମ୍ବାଦଦାତା,ରାୟଗଡ଼ା
ମୃତକ ଜଣଙ୍କ ହେଉଛନ୍ତି ଶୁଙ୍କପାଡି ଗ୍ରାମର ପୁରୁ ପିଡିକାକା । ଆହତ ଦାସରୀ କୁଟ୍ରୁକାକୁ ଗୁରୁତର ଅବସ୍ଥାରେ ବିଷମକଟକର ଏକ ଘରୋଇ ମେଡିକାଲରେ ଭର୍ତ୍ତି କରାଯାଇଛି । ସୋମବାର ସନ୍ଧ୍ୟାରେ ଏହି ଦୁଇ ଜଣ ସାଇକେଲ ଯୋଗେ ଆସୁଥିବା ବେଳେ ଉର୍ଲାଯୋଡି ଗ୍ରାମର ଅଙ୍ଗନୱଡି କେନ୍ଦ୍ର ନିକଟରେ ହଠାତ ଇଲେକ୍ଟ୍ରି ତାର ଛିଡିଯାଇଥିଲା । ଫଳରେ ତାର ଲାଗି ଘଟଣାସ୍ଥଳରେ ହିଁ ପୁରୁର ମୃତ୍ୟୁ ଘଟିଛି ।