ରାୟଗଡା: ରାଜ୍ୟରେ ସବୁବେଳେ ଗରୁତ୍ୱ ବହନ କରିଆସିଛି ରାୟଗଡ଼ା ରାଜନୀତି। ଏଠାରୁ ପ୍ରତିନିଧିତ୍ୱ କରି ଗିରିଧର ଗମାଙ୍ଗ କେନ୍ଦ୍ରମନ୍ତ୍ରୀ ଏବଂ ମୁଖ୍ୟମନ୍ତ୍ରୀ ହୋଇଥିଲେ । ସେହିପରି ରାମଚନ୍ଦ୍ର ଉଲ୍ଲାକା କ୍ୟାବିନେଟ ମନ୍ତ୍ରୀ ଏବଂ ବିରୋଧିଦଳ ନେତା ହୋଇଥିବାର ନଜିର ରହିଛି । ବର୍ତ୍ତମାନର ବିଧାୟକ ଲାଲବିହାରି ହିମିରିକା ମଧ୍ୟ କ୍ୟାବିନେଟ ମନ୍ତ୍ରୀ ଏବଂ ଉପବାଚସ୍ପତି ଭଳି ଗୁରୁତ୍ବପୂର୍ଣ୍ଣ ଦାୟିତ୍ବ ଲିଭାଇ ଆସିଛନ୍ତି ।
କାଶିପୁର ବ୍ଲକ , ରାୟଗଡ଼ା ବ୍ଲକ ଏବଂ ରାୟଗଡ଼ା ପୌରାଞ୍ଚଳକୁ ନେଇ ଗଠିତ ରାୟଗଡ଼ା ନିର୍ବାଚନ ମଣ୍ଡଳି। ଭୋଟର ସଂଖ୍ୟା ୨୩୩୫୪୭ । ସେଥିମଧ୍ୟରୁ ୧୧୦୮୦୮ ପୁରୁଷ ଭୋଟର ଥିବା ବେଳେ ୧୨୨୬୩୦ ଜଣ ମହିଳା ଭୋଟର ଅଛନ୍ତି । ଚଳିତ ବର୍ଷ ପ୍ରଥମ ଥର ପାଇଁ ତୃତୀୟ ଲିଙ୍ଗଙ୍କୁ ମତଦାନର ସ୍ୱୀକୃତି ମିଳିଥିବାରୁ ୧୦୯ଜଣ ଭୋଟ ଦେବେ ବୋଲି ଜଣାପଡିଛି । କଂଗ୍ରେସର ଗଡ଼ କୁହାଯାଉଥିବା ରାୟଗଡ଼ା ବିଧାନସଭା ଆସନରେ ବରିଷ୍ଠ ନେତା ସ୍ୱର୍ଗତ ରାମଚନ୍ଦ୍ର ଉଲାକା ଦୀର୍ଘ ସମୟ ଧରି ପ୍ରତିନିଧିତ୍ବ କରିଥିଲେ । ସେ ଏହି ଆସନରୁ ୭ ଥର ବିଜୟୀ ହୋଇଥିଲେ ।
ତେବେ ୨୦୦୦ ମସିହାରୁ ୨୦୦୪ ପର୍ଯ୍ୟନ୍ତ ବିଜେଡ଼ି ହାତକୁ ଆସିଥିଲା ରାୟଗଡ଼ା । ସେହିପରି ୨୦୦୯ ନିର୍ବାଚନ ପରଠାରୁ ବିଜେଡ଼ି ଟିକଟରେ ଏଠାରେବିଜୟୀ ହୋଇଆସୁଛନ୍ତି ଲାଲବିହାରି ହିମିରିକା ।