ରାୟଗଡା: ରାଜ୍ୟ ବାହାରେ ଦାଦନ ଖଟିବାକୁ ଯାଇଥିବା ଶ୍ରମିକଙ୍କ ଉପରେ ଅକଥନୀୟ ନିର୍ଯ୍ୟାତନା ଅଭିଯୋଗ । ବେଙ୍ଗାଲୁରୁରେ ବନ୍ଧା ପଡିଥିବା ରାୟଗଡା ଜିଲ୍ଲାର ସମ୍ପିନୀ ଗାଁର ଜଣେ ଦାଦନ ଶ୍ରମିକ ଏକ ଭିଡିଓ ସେୟାର କରି ଆକୁଳ ନିବେଦନ କରିଛନ୍ତି । ଯେଉଁଥିରେ ତାଙ୍କୁ ଉଦ୍ଧାର କରି ନିଜ ଗାଁକୁ ଫେରାଇ ନେବାକୁ ସେ ନିବେଦନ କରିଥିବା ଦେଖିବାକୁ ମିଳିଛି ।
ବେଙ୍ଗାଲୋରରେ ବନ୍ଧା ପଡିଛନ୍ତି ରାୟଗଡାର ୮ ଦାଦନ
ସୂଚନା ଅନୁସାରେ, ରାୟଗଡା ଜିଲ୍ଲା ପଦ୍ମପୁର ବ୍ଲକ ଗୁଲୁଗୁଡା ପଞ୍ଚାୟତ ଅନ୍ତର୍ଗତ ବଣ୍ଡାଗୁଡି ଗାଁର ଦାଦନ ଦଲାଲ ବାଲାଜୀ ଗମାଙ୍ଗ ଗୁଣପୁର ବ୍ଲକର ଲୁଙ୍ଗୁରୁତାଲ ଗ୍ରାମରୁ 4ଜଣ ଏବଂ ସାମ୍ପିନି ଗ୍ରାମରୁ 4ଜଣ ଲେଖାଏଁ 8 ଜଣ ଦାଦନ ଶ୍ରମିକଙ୍କୁ ବେଙ୍ଗାଲୁରୁରେ ଏକ କମ୍ପାନୀରେ ମାସିକ 10 ହଜାର ଟଙ୍କାର ମଜୁରୀ ଆଶା ଦେଖାଇ ଥିଲେ। ପରେ ସେ ଗଞ୍ଜାମ ଜିଲ୍ଲାର ଛତ୍ରପୁର ନିକଟ ସିପକୁଦ ଗାଁର ବାଦଲ ନାମକ ଅନ୍ୟଜଣେ ଦାଦନ ଦଲାଲକୁ ବିକ୍ରି କରିଦେଇଥିଲେ ।