ରାୟଗଡା: ତ୍ରିସ୍ତରୀୟ ନିର୍ବାଚନ ପୂର୍ବରୁ ରାୟଗଡ଼ା ଜିଲ୍ଲା ଗୁଣୁପୁର ଥାନା ପୋଲିସକୁ ମିଳିଛି ଏକ ବଡ଼ ଧରଣର ସଫଳତା । ବିଶ୍ଵସ୍ତ ସୂତ୍ରରୁ ଖବର ପାଇ ଆଦର୍ଶ ଥାନା ଅଧିକାରୀ ଗୁଣୁପୁର ବ୍ଲକ ଅନ୍ତର୍ଗତ ପଣସଗୁଡ଼ା ଗାଁରେ ଚଢ଼ାଉ କରିଥିଲେ । ସେଠାରେ 300 ବୋତଲ ନକଲି ବିଦେଶୀ ମଦ ଜବତ ହୋଇଛି । ଏଥିସହ ଜଣେ ଅଭିଯୁକ୍ତକୁ ଗିରଫ କରିଛି ପୋଲିସ ।
ତେବେ ୫୪ ଲିଟର ମଦ ଜବତ ହୋଇଥିବାବେଳେ ଏହାର ଆନୁମାନିକ ମୂଲ୍ୟ 51 ହଜାର ଟଙ୍କାରୁ ଊର୍ଦ୍ଧ୍ବ ହେବ ବୋଲି ଥାନା ଅଧିକାରୀ ସୂଚନା ଦେଇଛନ୍ତି । ଗୁଣୁପୁର ଥାନାରେ ମାମଲା no.30 u/s 272 /273/420/34 IPC r/w section 52(a) ମାମଲା ରୁଜୁ କରାଯାଇ ଅଭିଯୁକ୍ତ ରତ୍ନାଲୁ ଚନ୍ଦ୍ର ରାଓକୁ ଗିରଫ କରାଯାଇଛି । ଗିରଫ ପରେ ଅଭିଯୁକ୍ତକୁ ଆଜି କୋର୍ଟ ଚାଲାଣ କରାଯାଇଛି । ଜେରା ପରେ ପ୍ରକୃତ ତଥ୍ୟ ସାମ୍ନାକୁ ଆସିବ ବୋଲି କହିଛନ୍ତି SDPO ଅଜୟ ବାରିକ । ତେବେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଚାଲିଥିବାରୁ ନକଲି ମଦ କାରବାର ବୃଦ୍ଧି ପାଉଥିବା ପୋଲିସ କହିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
