ରାୟଗଡ଼ା: ବିଶାଖାପାଟଣା ରେଳବାଇ ଡିଭିଜନର ଡିଏମ ଅନୁପ ଶତପଥୀ ଗୁରୁବାର ଅଚାନକ ରାୟଗଡା ଗସ୍ତ କରିଛନ୍ତି । ଇଷ୍ଟ କୋଷ୍ଟ ବିଶାଖାପାଟଣା ରେଳବାଇ ଡିଭିଜନର ଡିଏମ ଅନୁପ ଶତପଥୀ ଅଚାନକ ରାୟଗଡା ଗସ୍ତ କରି ରେଳଯାତ୍ରୀଙ୍କ ସମସ୍ୟା ବୁଝିବା ସହ ବିଭିନ୍ନ ଉନ୍ନୟନମୂଳକ କାର୍ଯ୍ୟର ସମୀକ୍ଷା କରିଛନ୍ତି ।
ରାୟଗଡା ସହରର ବିଭିନ୍ନ ସ୍ଥାନରେ ଜମି ଜବର ଦଖଲରେ ଥିବାରୁ ଏହାର ତୁରନ୍ତ ସମାଧାନ କରିବାକୁ ବିଭାଗୀୟ ଅଧିକାରୀଙ୍କ ସହ ଆଲୋଚନା କରିଛନ୍ତି । ରାୟଗଡା ରେଳବାଇ ଡିଭିଜନ ପାଇଁ ଜମିର ଅଭାବ ଥିବା ବେଳେ ଜବର ଦଖଲ ଉଚ୍ଛେଦ ସହ ଗୁଣୁପୁର ଓ ଥେରୁବାଲି ରେଳ ପ୍ରକଳ୍ପ ନିମନ୍ତେ ସର୍ଭେ କାମ ସରିବା ସହ ଜମି ଅଧିଗ୍ରହଣ ନିମନ୍ତେ ରାଜ୍ୟ ସରକାରଙ୍କ ସହ ଆଲୋଚନା କରିବେ । ଏହାସହ ତୁରନ୍ତ ପଦକ୍ଷେପ ନିଆଯିବ ବୋଲି ଗଣମାଧ୍ୟମ ସହ ଆଲୋଚନା ସାମୀକ୍ଷାରେ କହିଛନ୍ତି ।
ରାୟଗଡ଼ାରୁ ରଞ୍ଜନ କୁମାର ରଥ, ଇଟିଭି ଭାରତ
