ରାୟଗଡା: ସାମ୍ପ୍ରତିକ ସ୍ଥିତିରେ ଆବସିକ ବିଦ୍ୟାଳୟରେ ଦେଖାଦେଉଥିବା ଛାତ୍ରୀ ଶୋଷଣକୁ ରୋକିବାକୁ ସ୍ଥାନୀୟ ଡିଆରଡିଏ ସମ୍ମିଳନୀ କକ୍ଷରେ ଏକ କର୍ମଶାଳା ଆୟୋଜିତ ହୋଇଥିଲା । ଜିଲ୍ଲାପାଳ ପ୍ରମୋଦ କୁମାର ବେହେରାଙ୍କ ଅଧ୍ୟକ୍ଷତାରେ ଆୟୋଜିତ ଏହି କର୍ମଶାଳାରେ ଜିଲ୍ଲାର ଆଦିବାସୀ ହଷ୍ଟେଲର ମାଟ୍ରୋନ, ୱାର୍ଡେନ, ବିଦ୍ୟାଳୟ ସୁପରିଟେଣ୍ଡେଣ୍ଟ ଓ ମହିଳା ସ୍ବାସ୍ଥ୍ୟକର୍ମୀ ଉପସ୍ଥିତ ଥିଲେ ।
ଛାତ୍ରୀମାନଙ୍କ ପ୍ରତି ବଢୁଥିବା ଶାରୀରିକ, ମାନସିକ ଓ ଯୌନ ନିର୍ଯାତନା କିପରି କମିବ ସେ ନେଇ ଆଲୋଚନା ହୋଇଥିଲା । ଏଥିସହିତ ସେମାନଙ୍କ ମତ ସଂଗ୍ରହ କରାଯାଇଥିଲା । କର୍ମଶାଳାରେ ଅନ୍ୟମାନଙ୍କ ମଧ୍ୟରେ ରାୟଗଡା ପିଏଆଇଟିଡିଏ, ଡିଡବ୍ଲ୍ୟୁଓ ନନ୍ଦଲାଲ ବିଶ୍ବାଳ, ଟ୍ରେନର ସୁଶାନ୍ତ କୁମାର ପଣ୍ଡା ପ୍ରମୁଖ ଯୋଗ ଦେଇ କିଶୋରୀଙ୍କ ଯତ୍ନ ଓ ସୁରକ୍ଷା ଉପରେ ମତ ରଖିଥିଲେ । ଜିଲ୍ଲାର 154ଟି ଆବାସିକ ବିଦ୍ୟାଳୟରେ 586ଜଣ କର୍ମଚାରୀ ରହିଥିବାବେଳେ 64 ହଜାର ଶିଶୁ ରହି ଶିକ୍ଷା ଗ୍ରହଣ କରୁଛନ୍ତି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
