ରାୟଗଡା:ରାଜ୍ୟବ୍ୟାପୀ ତେଜିବାରେ ଲାଗିଛି ସ୍ବାସ୍ଥ୍ୟକର୍ମୀଙ୍କ ପୁନଃ ଥଇଥାନ ଦାବି । ପ୍ରତ୍ୟେକ କୋଭିଡ ସ୍ବାସ୍ଥ୍ୟକେନ୍ଦ୍ରରେ ନିୟୋଜିତ କୋଭିଡ ଯୋଦ୍ଧାଙ୍କୁ ପୁନଃ ଥଇଥାନ ପାଇଁ ଦାବି କରିବା ସହ ଉକ୍ତ କେନ୍ଦ୍ରକୁ ପଞ୍ଚାୟତ ହେଲଥ୍ କେୟାର ହୋମ କରିବାକୁ ଶୁକ୍ରବାର ରାୟଗଡାରେ 'କୋଭିଡ ଓ୍ବାରିଅର ଚିଟେଡ ଫୋରମ' ପକ୍ଷରୁ ଦାବି କରାଯାଇଛି ।
କୋଭିଡ ସେଣ୍ଟର ସ୍ବାସ୍ଥ୍ୟକର୍ମୀଙ୍କ ପେଟକୁ ଲାତ, ପୁନଃ ଥଇଥାନ ପାଇଁ ତେଜୁଛି ବିବାଦ
ଶୁକ୍ରବାର 'କୋଭିଡ ଓ୍ବାରିଅର ଚିଟେଡ ଫୋରମର' ରାଜ୍ୟ ସଭାପତି ଇଂ ଦେବାଶିଷ ହୋତାଙ୍କ ନେତୃତ୍ବରେ ସ୍ଥାନୀୟ ଡିଆରଡିଏ କାର୍ଯ୍ୟାଳୟରୁ ଏକ ଶୋଭାଯାତ୍ରା ବାହାରି କଲେଜ ରୋଡ ଦେଇ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲା । ଏନେଇ ସେଠାରେ ଜିଲ୍ଲାପାଳଙ୍କ ଉଦ୍ଦେଶ୍ୟରେ ଡେପୁଟି କଲେକ୍ଟର ନାରାୟଣ ମିଶ୍ରଙ୍କୁ ଏକ ସ୍ମାରକ ପତ୍ର ପ୍ରଦାନ କରାଯାଇଛି ।