ରାୟଗଡା: ବିଦ୍ୟାଳୟ ପାଇଖାନା ଟାଙ୍କିରୁ ନିଖୋଜ ବ୍ୟକ୍ତିଙ୍କ ମୃତଦେହ ଉଦ୍ଧାର । ରାୟଗଡା ଜିଲ୍ଲା କୋଲନରା ବ୍ଲକ ଅନ୍ତର୍ଗତ ହାତୀଖମ୍ବା ଗ୍ରାମର ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ପାଇଖାନା ଟାଙ୍କିରୁ ତାଙ୍କର ମୃତଦେହ ଉଦ୍ଧାର କରାଯାଇଛି । ଏହି ଘଟଣାରେ ୩ ଜଣଙ୍କୁ ଅଟକ ରଖି ପୋଲିସ ପଚରାଉଚରା କରୁଛି।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡା
ସୂଚନାଯୋଗ୍ୟ, ହାତୀଖମ୍ବା ଗ୍ରାମର ଉଦାଲା ରାଜାରାଓ ଓ ସ୍ତ୍ରୀ ଉଦାଲା ପାର୍ବତୀ ଘରେ ଖାଉଥିବା ସମୟରେ ଉକ୍ତ ଗ୍ରାମର ମହେନ୍ଦ୍ର ମାଣ୍ଡାଲା ଓ ମାଧବ କାଡ୍ରାକା ତାଙ୍କୁ ବାହାରକୁ ଡାକି ନେଇଯାଇଥିଲେ । ଏହାପରେ ବିଳମ୍ବିତ ରାତ୍ରିରେ ମହେନ୍ଦ୍ର ଓ ମାଧବ ଫେରିଥିଲେ, କିନ୍ତୁ ରାଜାରାଓ ଘରକୁ ଫେରି ନଥିଲେ।
ଏହା ଦେଖି ତାଙ୍କ ସ୍ତ୍ରୀ ବ୍ୟସ୍ତ ହୋଇ ମହେନ୍ଦ୍ର ଓ ମାଧବଙ୍କୁ ସ୍ବାମୀ କୁଆଡେ ଗଲେ ବୋଲି ପଚାରିଥିଲେ । ସେ ଫେରିଆସିବ ବୋଲି ସେମାନେ କହିଥିଲେ । ମାତ୍ର ତା ପରଦିନ ସକାଳୁ ବହୁ ଖୋଜାଖୋଜି କରିବା ପରେ ମଧ୍ୟ ରାଜାରାଓଙ୍କ କୌଣସି ଖୋଜ ଖବର ମିଳି ନ ଥିଲା ।