ରାୟଗଡା : ରାଜ୍ୟରେ ପଞ୍ଚାୟତ ନିର୍ବାଚନର ତୃତୀୟ ପର୍ଯ୍ୟାୟ ମତଦାନ ରବିବାର ଶେଷ ହୋଇଛି । ବିଭିନ୍ନ ସ୍ଥାନରେ ବୁଥ କ୍ୟାପଚରିଂ ଓ ମତଦାନ କେନ୍ଦ୍ରରେ ହିଂସା ଖବର ସାମ୍ନାକୁ ଆସୁଛି । ଏହି କ୍ରମରେ ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ରାଇଲିମା ବୁଥର ଭୋଟ ବାକ୍ସକୁ ଡଙ୍ଗରିଆ ଲୁଟି ନେଇଥିବା ଅଭିଯୋଗ ଆସିଛି ।
ଭୋଟର ତାଲିକାରେ ନଥିଲା ନାଁ, ଭୋଟବାକ୍ସ ଟେକି ନେଲେ ଡଙ୍ଗରିଆ
ଭୋଟ ତାଲିକାରେ ସେମାନଙ୍କର ନାମ ନଥିବାରୁ ଏଭଳି ହଙ୍ଗାମା କରିଥିଲେ ଡଙ୍ଗରିଆ । ସୂଚନା ଅନୁସାରେ, ଆଜି ରାଜ୍ୟରେ ତୃତୀୟ ପର୍ଯ୍ୟାୟ ଭୋଟ ଗ୍ରହଣ ହୋଇଥିଲା । ରାୟଗଡାର ତଳ ମୁସୁଡି ଓ ଉପର ମୁସୁଡି ଲୋକେ ଭୋଟ ଦେବା ପାଇଁ କେନ୍ଦ୍ରକୁ ଯାଇଥିଲେ । ହେଲେ କଲ୍ୟାଣସିଙ୍ଗପୁର ବ୍ଲକର ସୁନଖଣ୍ଡି ପଞ୍ଚାୟତର ରାଇଲିମା ଭୋଟ କେନ୍ଦ୍ରରେ ପହଞ୍ଚିଲା ବେଳକୁ ସେମାନଙ୍କ ମଧ୍ୟରୁ ୧୨୦ ଜଣ ଭୋଟରଙ୍କ ନାମ ନ ଥିଲା ।