କପା ବୋଝେଇ ଟ୍ରାକ୍ଟର ଓଲଟି 2 ମୃତ, 2 ଗୁରୁତର

ରାୟଗଡ଼ା ଜିଲ୍ଲା କଲ୍ୟାଣସିଂହପୁର ଥାନା ଅନ୍ତର୍ଗତ କ୍ରିକାଲୁପାଡୁ ନିକଟରେ ଦୁର୍ଘଟଣା । ଓଲଟିଲା କପା ବୋଝେଇ ଟ୍ରାକ୍ଟର । ଫଳରେ 2 ଜଣଙ୍କ ମୃତ୍ୟୁ ହୋଇଥିବାବେଳେ 2 ଜଣ ଗୁରୁତର ଅଛନ୍ତି । ଅଧିକ ପଢନ୍ତୁ...

ରାୟଗଡା: ଓଲଟିଲା କପା ବୋଝେଇ ଟ୍ରାକ୍ଟର । ଜଣେ ମହିଳା ଶ୍ରମିକଙ୍କ ସହ ଡ୍ରାଇଭରର ମୃତ୍ୟୁ ଘଟିଥିବା ବେଳେ 2 ଗୁରୁତର ଆହତ ହୋଇଛନ୍ତି । ରାୟଗଡା ଜିଲ୍ଲା କଲ୍ୟାଣସିଂହପୁର ଥାନା ଅନ୍ତର୍ଗତ କ୍ରିକାଲୁପାଡୁ ନିକଟରେ ଘଟିଛି ଏହି ଦୁର୍ଘଟଣା । ସେପଟେ ମୃତକ ଦ୍ବୟଙ୍କ ପରିଚୟ ମିଳିପାରିନାହିଁ ।

ମଙ୍ଗଳବାର ବିଳମ୍ବିତ ରାତିରେ ଘଟିଛି ଏହି ଦୁର୍ଘଟଣା । ଟ୍ରାକ୍ଟରଟି ବିଳମ୍ବିତ ରାତିରେ ମାଝିଗୁଡା ଗାଁଠୁ ବେଲକଣା ଗାଁକୁ ଯାଉଥିବା ଓଭରଲୋଡିଂ ଯୋଗୁଁ ଓଲଟି ପଡିଥିବା ଅଭିଯୋଗ ହୋଇଛି । ତେବେ ଘଟଣାସ୍ଥଳରେ ଡ୍ରାଇଭରଙ୍କ ମୃତ୍ୟୁ ହୋଇଥିବା ବେଳେ ଚିକିତ୍ସାଧିନ ଅବସ୍ଥାରେ ମହିଳାଙ୍କ ମୃତ୍ୟୁ ହୋଇଛି । ଅନ୍ୟ ଦୁଇ ମହିଳା ଶ୍ରମିକଙ୍କୁ ଜିଲ୍ଲା ମୁଖ୍ୟଚିକିତ୍ସାଳୟରେ ଭର୍ତ୍ତି କରାଯାଇଛି । ରାୟଗଡାରୁ ରଞ୍ଜନ ରଥ, ଇଟିଭି ଭାରତ