ରାୟଗଡା: ଜିଲ୍ଲାରେ ପୁଣି 5 କୋରୋନା ରୋଗୀ ଚିହ୍ନଟ ହୋଇଛନ୍ତି । ଫଳରେ ବର୍ତ୍ତମାନ ସୁଦ୍ଧା ଜିଲ୍ଲାରେ 12 ଜଣ ଆକ୍ରାନ୍ତ ହୋଇଥିବା ଜଣାପଡିଛି । ତେବେ ନୂଆ 5 ଆକ୍ରାନ୍ତଙ୍କ ମଧ୍ୟରୁ 4 ଜଣ କାଶୀପୁର ବ୍ଲକ ସର୍ଗିଗୁଡା ଗାଁର ହୋଇଥିବାବେଳେ ଅନ୍ୟ ଜଣେ ରେଙ୍ଗା ପଞ୍ଚାୟତର ବୋଲି ଜଣାପଡିଛନ୍ତି । ତେବେ ସମସ୍ତେ ହୋମ କ୍ବାରେଣ୍ଟାଇନରେ ରହିଥିବା ଜିଲ୍ଲାପ୍ରଶାସନ ପକ୍ଷରୁ କୁହାଯାଇଛି ।
ରାୟଗଡାରେ ପୁଣି 5 କୋରୋନା ରୋଗୀ ଚିହ୍ନଟ, 5 ସୁସ୍ଥ
ତେବେ ସର୍ଗିଗୁଡା ଗ୍ରାମର 4 ଜଣ ଆକ୍ରାନ୍ତ ଆନ୍ଧ୍ରପ୍ରଦେଶ ଫେରନ୍ତା ହୋଇଥିବାବେଳେ ଡଙ୍ଗାସିଲ ଅସ୍ଥାୟୀ ସ୍ବାସ୍ଥ୍ୟ ଶିବିରରେ ଥିବା ସମୟରେ ଚତୁର୍ଥ କୋରୋନା ପଜେଟିଭ ବ୍ୟକ୍ତିଙ୍କ ସଂସ୍ପର୍ଶରେ ଆସିଥିଲେ । ଯିଏକି ଦିଲ୍ଲୀ ଫେରନ୍ତା ପ୍ରଥମ କୋରୋନା ପଜେଟିଭ ବ୍ୟକ୍ତିଙ୍କ ସଂସ୍ପର୍ଶରେ ଆସିଥିଲେ । ସେପଟେ ରେଙ୍ଗା ଗାଁର ପଜେଟିଭ ବ୍ୟକ୍ତି ଜଣକ ମଧ୍ୟ ହାଇଦ୍ରାବାଦରୁ ବଲାଙ୍ଗୀର ଦେଇ ଆସି ସଙ୍ଗରୋଧ ରହିବାପରେ ନିଜ ଘରେ ହୋମ କ୍ବାରେଣ୍ଟାଇନରେ ରହୁଥିଲେ ।