ରାୟଗଡା: କୋରୋନା ସଂକ୍ରମଣ ରୋକିବାକୁ ଦିଲ୍ଲୀରୁ ପଲ୍ଲୀ ସଭିଏଁ ଏକଜୁଟ ହୋଇଛନ୍ତି । ଏହି ସଂଗ୍ରାମରେ କିଏ ମାସ୍କ ବାଣ୍ଟି ଲୋକଙ୍କୁ ସଚେତନ କରୁଛି ତ କିଏ ଗରିବଙ୍କୁ ଖାଇବାକୁ ଦେଉଛି । ସେପଟେ ରାୟଗଡାର ଜଗନ୍ନାଥଗୁଡା ଗାଁ ରେ ଛୋଟ ଛୋଟ ପିଲାମାନେ ଲକଡାଉନରେ ସମୟ ଅତିବାହିତ କରିବାକୁ ଚିତ୍ରାଙ୍କନ କରୁଥିବା ଦେଖିବାକୁ ମିଳିଛି ।
ଚିତ୍ର ଆଙ୍କି ସମୟ ଅତିବାହିତ କରୁଛନ୍ତି ପିଲାଏ
ଏହାଦ୍ବାରା ସେମାନେ ତାଙ୍କ ହସ୍ତକଳା ଜ୍ଞାନକୁ ମଧ୍ୟ ବିକଶିତ କରିବାକୁ ପ୍ରୟାସ ଜାରି ରଖିଛନ୍ତି । ଆଉ ଏମିତି ପିଲାଙ୍କୁ ସହାୟତାର ହାତ ବଢାଇଛନ୍ତି CYSD ନାମକ ଏକ ସ୍ବେଚ୍ଛାସେବୀ ସଂସ୍ଥା । ଖାଲି ସେତିକି ନୁହେଁ ଏମାନଙ୍କର ହସ୍ତ କଳାକୁ ସରକାରଙ୍କ "ମୋ ପ୍ରତିଭା" କାର୍ଯ୍ୟକ୍ରମରେ ସାମିଲ କରାଯିବ ବୋଲି ସଂସ୍ଥା ପକ୍ଷରୁ କୁହାଯାଇଛି ।