1 କ୍ବିଣ୍ଟାଲରୁ ଉର୍ଦ୍ଧ୍ବ ଗଞ୍ଜେଇ ଓ 2 ଦାମୀ କାର୍ ଜବତ

ଦାମୀ କାରରେ ଗଞ୍ଜେଇ ବେପାର । ୨ ଟି କାରରୁ 1 କୁଇଣ୍ଟାଲ 40 କେଜି ଗଞ୍ଜେଇ ଜବତ କଲା ମୁନିଗୁଡା ପୋଲିସ । ତେବେ ଜବତ ଗଞ୍ଜେଇର ଆନୁମାନିକ ମୂଲ୍ୟ 10 ଲକ୍ଷ୍ୟରୁ ଉର୍ଦ୍ଧ୍ବ ହେବ ବୋଲି ଜଣାପଡ଼ିଛି । ଅଧିକ ପଢନ୍ତୁ...

ରାୟଗଡ଼ା: ଦାମୀ କାରରେ ଗଞ୍ଜେଇ ବେପାର । ୨ ଟି କାରରୁ 1 କ୍ବିଣ୍ଟାଲ 40 କେଜି ଗଞ୍ଜେଇ ଜବତ କଲା ମୁନିଗୁଡା ପୋଲିସ । ମୁନିଗୁଡା ଏସଡ଼ିପିଓ ଆକାଶ ଚନ୍ଦ୍ର ସାହୁଙ୍କ ନେତୃତ୍ବରେ ଏକ ଟିମ ଗାଡି ଯାଞ୍ଚ ସମୟରେ ଦ୍ରୁତ ଗତିରେ ଯାଉଥିବା ଦୁଇଟି କାରକୁ ଅଟକାଇ ଥିଲେ । କିନ୍ତୁ କାର ଅଟକିବା ପରିବର୍ତ୍ତେ ଅଧିକ ବେଗରେ ଚାଲି ଯାଇଥିଲା। ତେବେ ଗାଡିକୁ ପୋଲିସ ପିଛା କରିବାରୁ ଡାକୁଲୁଗୁଡା ଛକ ନିକଟରେ ଗାଡି ଛାଡି ଗଞ୍ଜେଇ ମାଫିଆ ମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ l

ପରେ କାର ଯାଞ୍ଚ ବେଳେ ଦୁଇଟି କାରରୁ 1 କୁଇଣ୍ଟାଲ 40 କିଲୋ ଗଞ୍ଜେଇ ଜବତ କରାଯାଇଛି l ଜବତ ଗଞ୍ଜେଇର ଆନୁମାନିକ ମୂଲ୍ୟ 10 ଲକ୍ଷ୍ୟରୁ ଉର୍ଦ୍ଧ ହେବ ବୋଲି ଜଣାପଡ଼ିଛି । ତେବେ ଏହି ଗଞ୍ଜେଇ କେଉଁଠାରୁ କେଉଁଠିକୁ ଯାଉଥିଲା, ସେ ବିଷୟରେ ଖୋଳତାଡ କରୁଛି ପୋଲିସ ।

ରାୟଗଡ଼ାରୁ ରଞ୍ଜନ କୁମାର ରଥ, ଇଟିଭି ଭାରତ