ରାୟଗଡା: ଯୁବପିଢି ହେବେ ଦାଦନ, ସରକାର ଖାଇବେ ଖଣି ଖାଦାନ ଏହି ସ୍ଲୋଗାନ ଦେଇ ରାଜ୍ୟ ସରକାରଙ୍କ ଉପରେ ବର୍ଷିଛି ରାୟଗଡା ନଗର ବିଜେପି । ରାୟଗଡା ଜିଲ୍ଲାରେ ଥିବା ଶିକ୍ଷିତ ବେକାରୀ ଯୁବକଙ୍କୁ ନିଯୁକ୍ତି ଦାବି କରି ଧାରଣାରେ ବସିଛି ନଗର ବିଜେପି ।
ଶିକ୍ଷିତ ବେକାରୀଙ୍କୁ ନିଯୁକ୍ତି ଦାବିରେ ନଗର ବିଜେପିର ଧାରଣା
ରାୟଗଡା ଜିଲ୍ଲାରେ 64 ପ୍ରତିଶତ ରହିଛି ସାକ୍ଷରତା ହାର । ହେଲେ ଜିଲ୍ଲାର ଶିକ୍ଷିତ ଯୁବକ ଯୁବତୀ ମାନେ ନିଯୁକ୍ତିର ସୁଯୋଗ ପାଇ ନାହାନ୍ତି । କେନ୍ଦ୍ର ସରକାର ବେକାର ଯୁବକଯୁବତୀଙ୍କ ନିଯୁକ୍ତି ପାଇଁ କୋଟି କୋଟି ଟଙ୍କା ବ୍ୟୟ କରୁଛନ୍ତି ହେଲେ ଏହାର କିଛି ସୁଫଳ ମିଳୁନାହିଁ । ରାୟଗଡା ଜିଲ୍ଲାରେ ତିନି ତିନିଟି ବଡ କାରଖାନା ରହିଛି । ହେଲେ ସେଠାରେ ସ୍ଥାନୀୟ ଲୋକ ନିଯୁକ୍ତି ପାଇବାରୁ ବଞ୍ଚିତ ହୋଇଛନ୍ତି । ସେମାନଙ୍କୁ ପରିବର୍ତ୍ତେ ବାହାର ରାଜ୍ୟର ଲୋକଙ୍କୁ ନିଯୁକ୍ତି ମିଳିଛି ଯାହାକୁ ବିଜେପି ପକ୍ଷରୁ ତୀବ୍ର ନିନ୍ଦା କରି ଧାରଣାରେ ବସିଛି ।