ରାୟଗଡ଼ା: ବହୁ ଚର୍ଚ୍ଚିତ ନୟାଗଡ଼ ନାବାଳିକା ହତ୍ୟାକାଣ୍ଡକୁ ନେଇ ରାୟଗଡ଼ର ବିଭିନ୍ନ ଦେବୀ ପୀଠରେ ବିଜେପି ତରଫରୁ ଦୀପ ଦାନ କରାଯାଇଛି। ନାବାଳିକାକୁ ନ୍ୟାୟ ଦେବା ସହ ତାର ଆତ୍ମାର ଶାନ୍ତି ପାଇଁ ଭାରତୀୟ ଜନତା ପାର୍ଟି ତରଫରୁ ରାୟଗଡା ଅଧିଷ୍ଠାତ୍ରୀ ଦେବୀ ମାଁ ମଝିଘରିଆଣି ମନ୍ଦିରରେ ପ୍ରଥମେ ଦୀପଦାନ କରାଯାଇଥିଲା। ଏହାପରେ ମୁନିଗୁଡାର ମାଁ ପାଟଖଣ୍ଡାଙ୍କ ନିକଟରେ ଦୀପ ଦାନ କରାଯାଇଛି।
ନୟାଗଡ଼ ନାବାଳିକାକୁ ନ୍ୟାୟ ପାଇଁ ବିଭିନ୍ନ ଦେବୀ ପୀଠରେ ବିଜେପିର ଦୀପଦାନ
ରାୟଗଡାରେ ଜିଲ୍ଲା ସଭାପତି ଶିବ ପଟ୍ଟନାୟକଙ୍କ ନେତୃତ୍ବରେ ବିଜେପି କର୍ମୀ ଓ ନେତା ମାଁ ମଝିଘରିଆଣି ମନ୍ଦିରରେ ଦୀପଦାନ କରାଯାଇଛି। ସେପଟେ ମୁନିଗୁଡ଼ାରେ ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ଡକ୍ଟର ରାମଚନ୍ଦ୍ର ବେହେରାଙ୍କ ନେତୃତ୍ବରେ ବିଜେପି ମହିଳା କର୍ମୀଙ୍କ ଦ୍ବାରା ଦୀପଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।