ରାୟଗଡା: ଜିଲ୍ଲାର ଦୁର୍ଗମ ଅଞ୍ଚଳର ଲୋକଙ୍କ ସୁବିଧା ପାଇଁ ଆମ ଗାଁ ଡୋଲି ଓ ବାଇକ୍ ଆମ୍ବୁଲାନ୍ସର ବ୍ୟବସ୍ଥା କରାଯାଇଥିଲା । କିନ୍ତୁ ଏହି ବ୍ୟବସ୍ଥା ଫେଲ ମାରିଛି । ଫଳରେ ଜଣେ ଗର୍ଭବତୀ ୭କିମି ଖଟିଆରେ ବୁହା ହୋଇଛନ୍ତି । ଏଭଳି ଏକ ଘଟଣା ଦେଖିବାକୁ ମିଳିଛି ରାୟଗଡା ଜିଲ୍ଲା ମୁନିଗୁଡା ବ୍ଲକର ଡିମିରିଗୁଡା ପଞ୍ଚାୟତ ଅନ୍ତର୍ଗତ କଟାଙ୍ଗ ଗାଁରେ ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡା
ସେହି ଗାଁରେ ରାସ୍ତା ନଥିବାରୁ ଜଣେ ଗର୍ଭବତୀ ମହିଳାଙ୍କୁ ପରିବାର ଲୋକେ ବାଧ୍ୟ ହୋଇ ୭କିମି ଖଟିଆରେ ବୋହି ଆଣିବାର ଦୃଶ୍ୟ ଏବେ ଚର୍ଚ୍ଚାରେ । ସେହି ଗାଁର ଅର୍ଗୁଲି ମାଝୀଙ୍କୁ ଗର୍ଭ ଯନ୍ତ୍ରଣା ହେବାରୁ ଏବଂ ଗାଁକୁ ଆମ୍ବୁଲାନ୍ସ ଯିବା ପାଇଁ ରାସ୍ତା ନଥିବାରୁ ପରିବାର ଲୋକଙ୍କ ସମତେ ଏଏନମ ଓ ଆଶା ଦିଦି ଅର୍ଗୁଲିଙ୍କୁ କଟାଙ୍ଗ ଠାରୁ ଅମଡାପଦର ଯାଏଁ ଖଟିଆରେ ଆଣି ଆମ୍ବୁଲାନ୍ସ ପାଖରେ ପହଞ୍ଚାଇଥିଲେ। ଅର୍ଗୁଲିଙ୍କୁ ଅମ୍ବାଦଳା ଡାକ୍ତରଖାନାରେ ପହଞ୍ଚାଇବାପରେ ମହିଳା ଜଣକ ଶିଶୁ କନ୍ୟାକୁ ଜନ୍ମ ଦେଇଛନ୍ତି । ଏବେ ଉଭୟ ମା’ ଓ ଶିଶୁ ସୁସ୍ଥ ଥିବା ଜଣାପଡିଛି ।