ରାୟଗଡ : ସନ୍ନ୍ୟାସୀ ସ୍ୱରୁପାନନ୍ଦ ଗିରିଙ୍କୁ ମରଣାନ୍ତକ ଆକ୍ରମଣ । ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଳକ ଦେବଗିରି ଶୈବପୀଠ ସ୍ଥିତ ଆଶ୍ରମରେ ରହୁଥିବା କ୍ରାନ୍ତିକାରୀ ସନ୍ଥ ତଥା ସନ୍ନ୍ୟାସୀ ସ୍ୱରୁପାନନ୍ଦ ଗିରିଙ୍କୁ କଲ୍ୟାଣସିଂହପୁର ଠାରେ ମରଣାନ୍ତକ ଆକ୍ରମଣ ହୋଇଛି । ଏନେଇ କଲ୍ୟାଣସିଂହପୁର ଥାନରେ ଏତଲା ଦିଆଯାଇଛି । ଗୁରତର ଅବସ୍ଥାରେ ବ୍ରହ୍ମପୁର ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।
ସୂଚନା ମୁତାବକ, ସନ୍ଥ ସ୍ଵରୁପାନନ୍ଦ ଦେବଗିରି ଶୈବପୀଠ ସ୍ଥିତ ଆଶ୍ରମରେ ରହି ସେହି ଅଞ୍ଚଳରେ ସଚେତନ କରିବା ସହ ଗୋ ସେବା, ଅନ୍ଧବିଶ୍ୱାସ ବିରୁଦ୍ଧରେ ସଚେତନ କରିବା ଭଳି ଅନେକ ଜନହିତକର କାର୍ଯ୍ୟ କରି ଆସୁଛନ୍ତି। ହେଲେ ଗତକାଲି ସେ ଯେତେବେଳେ ନିଜ ଆଶ୍ରମକୁ ଫେରୁଥିଲେ ସେହି ସମୟରେ କିଛି ଅସାମାଜିକ ବ୍ୟକ୍ତି କଲ୍ୟାଣସିଂହପୁର ମୁଖ୍ୟ ରାସ୍ତା ଉପରେ ତାଙ୍କ ଗାଡ଼ିକୁ ଅଟକାଇ ଅଶ୍ଳୀଳ ଭାଷାରେ ଗାଳିଗୁଲଜ କରିଥିଲେ । କିନ୍ତୁ ଚୁପ୍ ରହିବାକୁ ବାବା ସ୍ୱରୁପାନନ୍ଦ ଗିରି ସେମାନଙ୍କୁ ବୁଝାଇ ଥିଲେ । ଫଳରେ ତାଙ୍କୁ କିଛି ଲୋକ ଆସି ବାବାଙ୍କୁ ଛଡାଇ ନେଇଥିଲେ । କିନ୍ତୁ କିଛି ସମୟ ପରେ ତାଙ୍କୁ ସେହିମାନଙ୍କ ମଧ୍ୟରୁ ଜଣେ ବ୍ୟକ୍ତି ନିକଟରେ ଥିବା ୱେଲ୍ଡିଂ ଦୋକାନରେ ଏକ ଲୁହା ଛଡରେ ମୁଣ୍ଡ ପଛପଟକୁ ବାଡେଇଥିବା ବେଳେ ସ୍ୱରୁପାନନ୍ଦ ଗୁରୁତର ହୋଇ ପଡିଥିଲେ ।