ରାୟଗଡ଼ା:ଜିଲ୍ଲା କୋଲନରା ବ୍ଲକ ଭୁଜବଳସ୍ଥିତ ଏକ ଘରୋଇ ଇଞ୍ଜିନିୟରିଂ କଲେଜ ହଷ୍ଟେଲରେ କୋରୋନା ସଂକ୍ରମଣ ଚିନ୍ତା ବଢ଼ାଇ ଦେଇଛି । ଏହି କଲେଜରେ ଏକାଥରକେ ୪୬ ଜଣ ଛାତ୍ର କୋରୋନା ପଜିଟିଭ ଚିହ୍ନଟ ହୋଇଛନ୍ତି । ପ୍ରଥମେ ୩୦୦ ଜଣ ଛାତ୍ରଛାତ୍ରୀଙ୍କ କୋଭିଡ ପରୀକ୍ଷଣ ହୋଇଥିଲା ।
ତେବେ ସେଥି ମଧ୍ୟରୁ ୪୬ ଜଣ କୋଭିଡ ପଜିଟିଭ ଚିହ୍ନଟ ହୋଇଛନ୍ତି । ଏହାପରେ ସେହି ହଷ୍ଟେଲ୍କୁ କଣ୍ଟେନ୍ମେଣ୍ଟ୍ ଜୋନ ଘୋଷଣା କରିଛି ପ୍ରଶାସନ । ହଷ୍ଟେଲରେ ବାହାର ଲୋକଙ୍କ ପ୍ରବେଶ ଉପରେ ନିଷେଧାଦେଶ ଜାରି ହୋଇଛି ।
ମେଡିକାଲ୍ ଟିମ୍ ହଷ୍ଟେଲ୍ରେ ପହଞ୍ଚି ଆକ୍ରାନ୍ତ ଛାତ୍ରଙ୍କୁ କିଛି ଚିକିତ୍ସା କରିଛନ୍ତି । ହଷ୍ଟେଲ୍ରେ ଏତେ ମାତ୍ରାରେ କୋଭିଡ ସଂକ୍ରମିତ ଚିହ୍ନଟ ହେବାପରେ ଛାତ୍ରଛାତ୍ରୀଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଛି । ସେପଟେ ପ୍ରଶାସନ ପକ୍ଷରୁ ସମସ୍ତ ଛାତ୍ରଛାତ୍ରୀଙ୍କୁ କୋଭିଡ ଗାଇଡଲାଇନ ମାନି ଚଳିବା ସହ ସୁରକ୍ଷିତ ରହିବାକୁ ପରାମର୍ଶ ଦିଆଯାଇଛି ।
ଘରୋଇ ଇଞ୍ଜିନିୟରିଂ କଲେଜରେ କୋରୋନା ଟେନ୍ସନ୍, ୪୬ ଛାତ୍ର ଆକ୍ରାନ୍ତ