ରାୟଗଡ଼ା: ମାଓବାଦୀଙ୍କ ଶହୀଦ ସପ୍ତାହକୁ ଦେଖି ପୁଲିସ୍ ପକ୍ଷରୁ ଜିଲ୍ଲାର ମାଓ ପ୍ରବଣ ଅଞ୍ଚଳରେ ସୁରକ୍ଷା କଡାକଡ଼ି କରାଯିବା ସହ ଆନ୍ତଃରାଜ୍ୟ ସୀମାକୁ ସିଲ୍ କରାଯାଇଛି। ମାଓବାଦୀଙ୍କ ଗତିବିଧି ଉପରେ ଗୁଇନ୍ଦା ବିଭାଗ କଡା ନଜର ରଖିଛି । ଏସଓଜି-ସିଆରପିଏଫ୍-ବିଏସ୍ଏଫ୍ ପକ୍ଷରୁ କୁମ୍ବିଂ ଅପରେସନକୁ ଜୋରଦାର୍ କରାଯାଇଥିବା ସୂଚନା ଦେଇଛନ୍ତି ଜିଲ୍ଲା ଆରକ୍ଷୀ ଅଧୀକ୍ଷକ ଡା. ଶର୍ବଣା ବିବେକ ଏମ୍ ।
ମାଓବାଦୀଙ୍କ ଶହୀଦ ସପ୍ତାହ, ସିଲ ହେଲା ଆନ୍ଧ୍ର-ଓଡିଶା ସୀମା
ରାୟଗଡ଼ା ଜିଲ୍ଲାକୁ ଲାଗିଥିବା କନ୍ଧମାଳ-କଳାହାଣ୍ଡି ସୀମାନ୍ତରେ ବଂଶଧାରା-ଘୁମୁସର-ନାଗାବଳୀ ମାଓ ଡିଭିଜନ୍ ସକ୍ରିୟ ରହିଛି। ଗତ କିଛି ଦିନ ମଧ୍ୟରେ କନ୍ଧମାଳରେ ପୁଲିସ୍ ଏନକାଉଣ୍ଟରରେ ଏହି ସଂଗଠନର ୭ ମାଓବାଦୀ ନିହତ ହୋଇଥିବାରୁ ସହିଦ୍ ସପ୍ତାହରେ ମାଓବାଦୀ ନିଜ ସ୍ଥିତି ଜାହିର କରିବାପାଇଁ କିଛି ଅଘଟଣ ଘଟାଇବାକୁ ଯୋଜନାକରୁଥିବା ଗୁଇନ୍ଦା ସୂଚନା ପରେ ପୁଲିସ୍ ପକ୍ଷରୁ ରେଡ ଏଲର୍ଟ ଜାରି କରିଛନ୍ତି ।