ରାୟଗଡାରେ ଗ୍ରାମୀଣ ଡାକ କର୍ମଚାରୀଙ୍କ ଦ୍ବି-ବାର୍ଷିକ ମହା ସମ୍ମିଳନୀ

ରାୟଗଡା ଡ଼ାକ ଡିଭିଜନର ଅଖିଳ ଭାରତ ଗ୍ରାମୀଣ ଡାକ ସେବକ ସଂଘର ଦ୍ଵି-ବାର୍ଷିକ ମହା ସମ୍ମିଳନୀ ଅନୁଷ୍ଠିତ ହୋଇଯାଇଛି । ସ୍ଥାନୀୟ ଅଭିନନ୍ଦନ କମ୍ୟୁନିଟି ହଲ ଠାରେ ଏହି ସମ୍ମିଳନୀ ଅନୁଷ୍ଠିତ ହୋଇଥିଲା ।

ରାୟଗଡା: ରେଳବାଇ ରିକ୍ରିଏସନ କେନ୍ଦ୍ରରେ ନୂତନ ଭାବେ ଗଠିତ ରାୟଗଡା ଡ଼ାକ ଡିଭିଜନର ଅଖିଳ ଭାରତ ଗ୍ରାମୀଣ ଡାକ ସେବକ ସଂଘର ଦ୍ଵି-ବାର୍ଷିକ ମହାସମ୍ମିଳନୀ ଅନୁଷ୍ଠିତ ହୋଇଯାଇଛି । ଆୟୋଜିତ ସମ୍ମିଳନୀରେ ଏଆଇଜିଡିଏସୟୁ କେନ୍ଦ୍ର ସଂଘର ସାଧାରଣ ସମ୍ପାଦକ ଏସ୍ଏସ୍ ମହାଦେବାୟ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଏତଦବ୍ୟତୀତ ସମ୍ମାନିତ ଅତିଥି ଭାବେ କଳ୍ପବଟ ପଟ୍ଟନାୟକ, ମୁଖ୍ୟବକ୍ତା ଭାବେ ସର୍କଲ ସଭାପତି, କେନ୍ଦ୍ର ସଂଘ, ଉପସଭାପତି ପର୍ଶୁରାମ ଦାସ ପ୍ରମୁଖ ଉପସ୍ଥିତ ଥିଲେ ।

ପ୍ରଥମେ ଜାତୀୟ ପତାକା ଓ ପରେ ସଂଘ ପଟକ ଉତ୍ତୋଳନ କରି ସଭା କାର୍ଯ୍ୟ ଆରମ୍ଭ କରାଯାଇଥିଲା । ଏଥିରେ ରାୟଗଡା ପୋଷ୍ଟାଲ ଡିଭିଜନର ଗଜପତି ଓ ରାୟଗଡା ଜିଲ୍ଲାର ଶତାଧିକ ଗ୍ରାମୀଣ ଡାକ ସେବକ ଯୋଗ ଦେଇଥିଲେ । ଅପରପକ୍ଷେ ଭାରତୀୟ ମଜଦୂର ସଂଘ ଅନୁବନ୍ଧିତ ଭାରତୀୟ ପୋଷ୍ଟାଲ ଏମ୍ପ୍ଲୋୟର୍ସ ଫେଡରେସନର ଏକ ବୈଠକ ଅଶୋକ କଲ୍ୟାଣ ମଣ୍ଡପରେ ଅନୁଷ୍ଠିତ ହୋଇଯାଇଛି ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ