ଲକଡାଉନରେ ଅଘଟଣ, ବସ ଧକ୍କାରେ ଯୁବକ ମୃତ

ଲକଡାଉନ ଚାଲିଥିବା ବେଳେ ରାୟଗଡ଼ା ଜିଲ୍ଲା କାଶିପୁର ବ୍ଲକ ଟିକିରି ଥାନା ଗୋକୁଳ ମୁଣ୍ଡାସ୍ଥିତ ତ୍ରିନାଥ ମନ୍ଦିର ସାମ୍ନାରେ ଘଟିଛି ଅଘଟଣ । ଏକ ବସ ଧକ୍କାରେ ସ୍ଥାନୀୟ ଅଞ୍ଚଳରେ ସେଲୁନ କରିଥିବା ବ୍ୟକ୍ତିଙ୍କର ମୃତ୍ୟୁ ହୋଇଛି ।

ରାୟଗଡା: ଲକଡାଉନ ଚାଲିଥିବା ବେଳେ ରାୟଗଡ଼ା ଜିଲ୍ଲା କାଶିପୁର ବ୍ଲକ ଟିକିରି ଥାନା ଗୋକୁଳ ମୁଣ୍ଡାସ୍ଥିତ ତ୍ରିନାଥ ମନ୍ଦିର ସାମ୍ନାରେ ଘଟିଛି ଅଘଟଣ । ଏକ ବସ ଧକ୍କାରେ ସ୍ଥାନୀୟ ଅଞ୍ଚଳରେ ସେଲୁନ କରିଥିବା ବ୍ୟକ୍ତିଙ୍କର ମୃତ୍ୟୁ ହୋଇଛି । ଖବର ପାଇ ଟିକିରି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ସୂଚନା ମୁତାବକ ଯୁବକ ଜଣଙ୍କର ଉତ୍କଳ ଆଲୁମିନାର ଏକ ବସ ଧକ୍କାରେ ମୃତ୍ୟୁ ହୋଇଛି । ପ୍ରାଥମିକ ତଦନ୍ତ ପରେ ଏହା ସ୍ପଷ୍ଟ ହେବାରୁ ପୋଲିସ ସମ୍ପୃକ୍ତ ବସ ଓ ଡ୍ରାଇଭରକୁ ଅଟକ ରଖିଛି । ସେପଟେ ପୋଲିସ ମୃତଦେହକୁ ଉଦ୍ଧାର କରି କାଶିପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ବ୍ୟବଚ୍ଛେଦ ପରେ ତାଙ୍କ ଗାଁ ବାଦପୁରକୁ ପଠାଇ ଦେଇଛି ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ