ରାୟଗଡା: ଏକ ବଡ ଧରଣର ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇଛି ଅନେକ ଜୀବନ । ବିଶାଖାପାଟଣାରୁ ସ୍କ୍ରାପ ନେଇ ଝାରସୁଗୁଡା ଅଭିମୁଖେ ଯାଉଥିବା ବେଳେ ଏକ ଟ୍ରକ ହଠାତ ଓଭର ବ୍ରିଜ ଉପରେ ଓଲଟି ପଡିଥିଲା । ସୌଭାଗ୍ୟ ବଶତଃ ଟ୍ରକଟି ବ୍ରିଜ ଉପରୁ ତଳକୁ ଖସିବା ପୂର୍ବରୁ ବିଦ୍ୟୁତ ଖୁଣ୍ଟରେ ଅଟକି ଯାଇଥିଲା ଏବଂ ରାତି ସମୟ ହୋଇଥିବାରୁ ତଳେ ଥବା ପରିବା ବଜାର ବନ୍ଦ ରହିଥିଲା ।
ରାୟଗଡ ଓଭର ବ୍ରିଜରେ ଦୁର୍ଘଟଣା: ଅଳ୍ପକେ ବର୍ତ୍ତିଲେ ଲୋକେ
ବ୍ରିଜ ପାର୍ଶ୍ଵରେ ରହିଥିବା ପିଲର ଗୁଡିକ ଚୁରମାର ହୋଇ ତଳେ ପଡିଥିବା ବେଳେ ଟ୍ରକରେ ଥିବା ସ୍କ୍ରାପ ଗୁଡିକ ମଧ୍ୟ ତଳେ ପଡିଯାଇଛି । ବ୍ରିଜ ତଳ ଭାଗ ଜନଗହଳିପୂର୍ଣ୍ଣ ସ୍ଥାନ ହୋଇଥିଲେ ବି ରାତି ସମୟ ଦୁର୍ଘଟଣା ହୋଇଥିବାରୁ ପରିବା ବଜାରରେ ଅନେକ ବ୍ୟବସାୟୀ ଏବଂ ସାଧାରଣ ଲୋକ ବର୍ତ୍ତି ଯାଇଛନ୍ତି।