ରାୟଗଡ଼ା: ତାମିଲନାଡୁ କୋଇମ୍ବାଟୁର ରାୟଗଡ଼ାକୁ ପ୍ରବାସୀ ଓଡିଆ ଶ୍ରମିକଙ୍କୁ ନେଇ ଆସିଲା ସ୍ଵତନ୍ତ୍ର ଟ୍ରେନ । ଏହି ଟ୍ରେନଟି ରାୟଗଡା, ବଲାଙ୍ଗୀର ଦେଇ ବାଲେଶ୍ଵର ପହଞ୍ଚବ। ଅନ୍ୟପଟେ ରାୟଗଡା ଷ୍ଟେସନରେ 209 ଜଣ ପ୍ରବାସୀ ଶ୍ରମିକ ଓଲ୍ଲାଇଛନ୍ତି ।
ପ୍ରବାସୀ ଓଡିଆ ଶ୍ରମିକଙ୍କୁ ନେଇ କୋଇମ୍ବାଟୁରରୁ ରାୟଗଡ଼ା ଆସିଲା ସ୍ଵତନ୍ତ୍ର ଟ୍ରେନ
ଟ୍ରେନରେ ରାୟଗଡା, ନବରଙ୍ଗପୁର, ଗଜପତି, କୋରାପୁଟ, ମାଲକାନଗିରି ଓ କନ୍ଧମାଳ ଜିଲ୍ଲାର 209 ଜଣ ପ୍ରବାସୀ ଓଡ଼ିଆ ଶ୍ରମିକ ପହଞ୍ଚିଛନ୍ତି । ଏହି ଶ୍ରମିକମାନେ ରାୟଗଡ଼ ଷ୍ଟେସନରେ ପହିଞ୍ଚିଲା ପରେ ସେମାନଙ୍କ ପଞ୍ଜୀକରଣ କରାଯିବା ସହ ସ୍ବାସ୍ଥ୍ୟ ପରୀକ୍ଷା କରାଯାଇଛି । ଏହାପରେ ଶ୍ରମିକମାନଙ୍କ ଖାଦ୍ୟ ପେୟର ବ୍ୟବସ୍ଥା କରାଯାଇ ପୁଲିସ ସୁରକ୍ଷା ବଳୟରେ ସ୍ଵତନ୍ତ୍ର ବସ ଯୋଗେ ନିଜ ନିଜ ଜିଲ୍ଲାକୁ ପଠେଇ ଦିଆଯାଇଛି । ଏହି ଟ୍ରେନରେ କନ୍ଧମାଳ ଜିଲ୍ଲାର 15, ନବରଙ୍ଗପୁର ଜିଲ୍ଲର 17, ଗଜପତି ଜିଲ୍ଲାର 85 , ମାଲକାନଗିରି ଜିଲ୍ଲାର 1, କୋରାପୁଟ ଜିଲ୍ଲାର 12 ଏବଂ ରାୟଗଡା 79 ଶ୍ରମିକ ପହଞ୍ଚିଥିବା ରାୟଗଡା ଜିଲ୍ଲାପାଳ ପ୍ରମୋଦ କୁମର ବେହେରା ଓ ଏସପି ଶ୍ରବଣ ବିବେକ ସୂଚନା ଦେଇଛନ୍ତି ।