ରାୟଗଡା: ଦୁର୍ଗମ ଅଞ୍ଚଳର ଲୋକଙ୍କ ପାଇଁ ସରକାରଙ୍କ ଯୋଜନା ଅପହଞ୍ଚ । କେଉଁଠି ରାସ୍ତା ସମସ୍ୟା ତ ଆଉ କେଉଁଠି ଇଚ୍ଛାଶକ୍ତିର ଅଭାବ । ସରକାରଙ୍କ ଏତେସବୁ ଯୋଜନା ଥାଇ ମଧ୍ୟ ଯନ୍ତ୍ରଣାରେ ଛଟପଟ ନୀରିହ ଦୁର୍ଗମ ଅଞ୍ଚଳର ଗର୍ଭବତୀ ମହିଳା । ରାୟଗଡ ଜିଲ୍ଲା କାଶୀପୁର ବ୍ଲକରେ ବାରମ୍ବାର ଜନନୀ ଯନ୍ତ୍ରଣା ଖବର ପରେ ମଧ୍ୟ ପ୍ରତିକାରର ବ୍ୟବସ୍ଥା ହେଉନାହିଁ । ପ୍ରଶାସନର ଆନ୍ତରିକତା ଅଭାବରୁ ଗୋଟିଏ ପରେ ଗୋଟିଏ ଜନନୀ ଯନ୍ତ୍ରଣା ଫର୍ଦ୍ଦ ଯୋଡ଼ିହେଉଛି କାଶୀପୁର ବ୍ଲକରେ ।
ଜନନୀ ଯନ୍ତ୍ରଣାର ଆଉ ଏକ ନଗ୍ନ ଚିତ୍ର: ୨ କି.ମି ଖଟିଆରେ ବୁହା ହେଲେ ଗର୍ଭବତୀ
ଏବେ ଆଉ ଏକ ଘଟଣା ଦେଖିବାକୁ ମିଳିଛି ରାୟଗଡା ଜିଲ୍ଲା କାଶୀପୁର ବ୍ଲକ ମାଇକଞ୍ଚ ପଞ୍ଚାୟତ ଅନ୍ତର୍ଗତ ଝିରିଖୋଲ ଗ୍ରାମରେ । ଉକ୍ତ ଗ୍ରାମର ସନ୍ତୋଷ ଝୋଡିଇଙ୍କ ସ୍ତ୍ରୀ ଲିଲି ଝୋଡିଆ (18) ପ୍ରସବ ବେଦନାରେ ଛଟପଟ ହେଉଥିଲେ । ଏନେଇ ପରିବାର ଲୋକେ ୧୦୨ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ । ଗାଁକୁ ପକ୍କା ସଡକ ନଥିବାରୁ ଆମୁଲାନ୍ସ ଗ୍ରାମକୁ ଯାଇପାରି ନଥିଲା ।