ସ୍କୁଲରେ ଷଷ୍ଠ ଶ୍ରେଣୀ ଛାତ୍ର ମୃତ

ସ୍କୁଲରେ ତଳେ ପଡି ଷଷ୍ଠ ଶ୍ରେଣୀ ଛାତ୍ର ମୃତ । ପ୍ରାର୍ଥନା ସମୟରେ ଏହି ଅଘଟଣ ଘଟିଛି । ଏନେଇ ରାୟଗଡା ଥାନାରେ ଜଣାଇଛନ୍ତି ସ୍କୁଲ କର୍ତ୍ତୃପକ୍ଷ ।

ରାୟଗଡା: ପ୍ରାର୍ଥନା ସମୟରେ ସ୍କୁଲରେ ତଳେ ପଡି ଷଷ୍ଠ ଶ୍ରେଣୀ ଛାତ୍ର ମୃତ । ଥାନାରେ ଏନେଇ ଜଣାଇଛନ୍ତି ସ୍କୁଲ କର୍ତ୍ତୃପକ୍ଷ । ତେବେ ଏହି ଘଟଣାକୁ ନେଇ ପରିବାରରେ ଶୋକର ଛାୟା ଖେଳିଯାଇଛି ।

ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ରାୟଗଡାରେ। ରାୟଗଡା ସହରସ୍ଥିତ ସେକ୍ରେଡ ହାର୍ଟ ସ୍କୁଲରେ ଷଷ୍ଠ ଶ୍ରେଣୀର ଛାତ୍ର ସୁଭ୍ରାଂଶୁ ନାୟକ ପ୍ରାର୍ଥନା କରୁଥିବା ସମୟରେ ତଳେ ପଡିଯାଇଥିଲେ । ପରେ ତାଙ୍କୁ ବିଦ୍ୟାଳୟର ଶିକ୍ଷକ ମାନେ ଡାକ୍ତରଖାନାରେ ଭର୍ତ୍ତି କରିଥିଲେ । ତେବେ ସେଠାରେ ତାଙ୍କୁ ମୃତ ଘୋଷଣା କରାଯାଇଥିଲା ।

ଏନେଇ ରାୟଗଡା ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଥିବା ବେଳେ ଶବ ବ୍ୟବଛେଦ ପରେ ପରିବାରକୁ ହସ୍ତାନ୍ତର କରାଯାଇଛି ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ