ରାୟଗଡା: ଟିକିରି ଥାନା ସଙ୍କରଦା ପଞ୍ଚାୟତ ଅନ୍ତର୍ଗତ ପଞ୍ଚାଳି ଗ୍ରାମରେ ଏକ ନିର୍ମାଣାଧୀନ ପାଇଖାନା ଟାଙ୍କିରେ କାମ କରିବା ସମୟରେ ଜଣେ ଗୁରୁତର ହୋଇଥିବା ବେଳେ ଅନ୍ୟ ୩ ଜଣଙ୍କର ମୃତ୍ୟୁ ହେଇଯାଇଥିବା ସୂଚନା ମିଳିଛି । ସୂଚନା ମୁତାବକ, ମୃତ ବ୍ୟକ୍ତିଙ୍କ ମଧ୍ୟରୁ ୩ ଜଣ ହେଲେ ଗୋବିନ୍ଦ କୁମ୍ଭାର(ପଣସ ପଦର), ସୀମା ମାଝି (ପଞ୍ଚାଲି) ଓ ଅନ୍ୟ ଜଣଙ୍କ ଘର କଂସାରିଗୁଡା ଗ୍ରାମ ବୋଲି ଜଣାପଡିଛି ।
ସେମାନେ ପଞ୍ଚାଲି ଗ୍ରାମରେ ଜଣଙ୍କ ଘରେ ନୂଆ ପାଇଖାନା ଟାଙ୍କି ନିର୍ମାଣ କରିଆସୁଥିଲେ । ସୋମବାର ସେହି କାମର ସ୍ଲାବ ଫଲସ ଛଡ଼ାଇବା କାମ ଚାଲୁ ରହିଥିଲା । ଦ୍ବୀପହର ପ୍ରାୟ ୩ ଟା ପରେ କୌଣସି ପ୍ରକାର ଭିତରେ କାମ କରୁଥିବା ଉକ୍ତ ୩ଜଣ ବହୁ ସମୟ ଧରି ଟ୍ୟାଙ୍କ ମଧ୍ୟରୁ ଆଉ ବାହାରକୁ ଆସୁ ନଥିବା ଦେଖି ୪ର୍ଥ ବ୍ୟକ୍ତି ପଞ୍ଚାଲି ଗ୍ରାମର ରାଜା ରାଓ ଟାକ୍ରି ସେମାନଙ୍କ ସ୍ଥିତି ଅନୁଧ୍ୟାନ ପାଇଁ ଟ୍ୟାଙ୍କ ନିକଟରେ ପହଞ୍ଚିଥିଲେ । କିନ୍ତୁ, ତାଙ୍କୁ ଅନ୍ଧାର ଭିତରେ ସେହି ୩ ଜଣ ଦେଖାଯାଉ ନଥିବା ବେଳେ ରାଜା ରାଓ ହଠାତ ଟ୍ୟାଙ୍କ ଭିତରୁ ବାହାରିଥିବା ଦୁର୍ଗନ୍ଧ ଦ୍ୱାରା ଅଚେତ ଅବସ୍ଥାରେ ପଡିଯାଇଥିଲେ ।