ରାୟଗଡା: ଲକ୍ଡାଉନ୍ ଓ ସଟ୍ଡାଉନର ସୁଯୋଗ ନେଇ ସକ୍ରିୟ ହେଉଛନ୍ତି ଡକାୟତ । ପୋଲିସ ଖୋଳତାଡ କରି 2 ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରିଛି । ଏଥିସହ ପୋଲିସ ସେମାନଙ୍କ ଠାରୁ ବିଭିନ୍ନ ସୁନା, ରୁପା ଅଳଙ୍କାର ସାଙ୍ଗକୁ ନଗଦ ଟଙ୍କା ଜବତ କରିଛି ।
ସୁନା ଅଳଙ୍କାର ସହ ଧାରା ପଡିଲେ 2 ଲୁଟେରା
ସୂଚନା ଅନୁଯାୟୀ, ଗତ ୩ ତାରିଖ ଶନିବାର ଗୁଣପୁର ଭାରସିଂ ଗାଁର ସାହୁକାର କ୍ରିଷ୍ଣା ରାଓ ନାମକ ଜଣେ ବ୍ୟକ୍ତିଙ୍କ ଘରୁ ଲୁଟ୍ ହୋଇଥିବା ନେଇ ଥାନାରେ ଏତଲା ଦେଇଥିଲେ । ଘଟଣା ଦିନ ତାଙ୍କ ଘରେ କୌଣସି ସଦସ୍ୟ ଉପସ୍ଥିତ ନଥିଲେ । ସୁଯୋଗ ନେଇ କେହି ତାଙ୍କ ଘରେ ଥିବା ନଗଦ ୭ ଲକ୍ଷ ୧୨ ହଜାର ଟଙ୍କା ଓ କିଛି ସୁନାରୂପା ଗହଣା ଧରି ଚମ୍ପଟ୍ ମାରିଥିଲା । ଅଭିଯୋଗକୁ ଭିତ୍ତି କରି ତନାଘନା ଚଳାଇଥିଲା ଗୁଣୁପୁର ପୋଲିସ । ଶେଷରେ ଏହି ଲୁଟ୍ ମାମଲାରେ ସମ୍ପୃକ୍ତ ଥିବା ଦୁଇ ଲୁଟେରାଙ୍କୁ କାବୁ କରିବାରେ ସଫଳ ହୋଇଛି ।