ରାୟଗଡା: ଜିଲ୍ଲାର ଆଉ 19 କୋରୋନା ଆକ୍ରାନ୍ତ ଚିହ୍ନଟ । ଗୁଣୁପୁର ବ୍ଲକ ଓ ପୌର ପରିଷଦ ଅଞ୍ଚଳରେ କୋରୋନା ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବଢିବାରେ ଲାଗିଥିବା ବେଳେ ଶୁକ୍ରବାର 3ଜଣ କୋରୋନା ଯୋଦ୍ଧା ସମେତ 15 ଓ ରାୟଗଡାରେ 4 ମୋଟ ଜିଲ୍ଲାରେ 19 ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ଜିଲ୍ଲା ପ୍ରଶାସନ ସୂଚନା ଦେଇଛନ୍ତି ।
3 କୋରୋନା ଯୋଦ୍ଧା ସମେତ ରାୟଗଡା ଜିଲ୍ଲାରେ 19 ନୂଆ ଆକ୍ରାନ୍ତ ଚିହ୍ନଟ
ସୂଚନା ଅନୁଯାୟୀ ଗୁଣୁପୁର ଉପଖଣ୍ଡ ଚିକିତ୍ସାଳୟର ଜଣେ ଡାକ୍ତର ଓ 2ଜଣ କର୍ମଚାରୀ କୋରୋନା ଚିହ୍ନଟ ହେବାପରେ ଡାକ୍ତରଖାନାର OPDକୁ ତିନିଦିନ ପାଇଁ ବନ୍ଦ କରାଯାଇଛି । ଚିହ୍ନଟ ହୋଇଥବା ଡାକ୍ତଖାନାକୁ ସମ୍ପୂର୍ଣ୍ଣ ଭାବେ ବିଶୋଧନ କରାଯାଇଛି । ପୌର ପରିଷଦର ବିଭିନ୍ନ ୱାର୍ଡରୁ 9 ଜଣ ଓ ସିରିଝୋଲି ପଞ୍ଚାୟତ ଅନ୍ତର୍ଗତ ଚିନ୍ତାଲିଗୁଡା ଗ୍ରାମରୁ 6 ଜଣ କୋରୋନା ଆକ୍ରାନ୍ତ ଚିହ୍ନଟ ହେବାପରେ ସମ୍ପୃକ୍ତ ଅଞ୍ଚଳକୁ ପ୍ରଶାସନ ତରଫରୁ କଣ୍ଟେନମେଣ୍ଟ ଜୋନ ଘୋଷଣା କରାଯିବା ସହ ବାଉଁଶ ଦ୍ଵାରା ବ୍ୟାରିକେଡ଼ କରାଯାଇ ସିଲ କରାଯାଇଛି ।ପୋଲିସ ପକ୍ଷରୁ କଡାକଡି କଟକଣା ଜାରି କରାଯାଇଛି ।