ପୁରୀ: ଜିଲ୍ଲାର ଲୋକସଭା ଅଧୀନରେ ଥିବା ନିର୍ବାଚନ ମଣ୍ଡଳୀ ଗୁଡ଼ିକର ମତଦାନ ପରେ ଇଭିଏମ ଓ ଭିଭିପାଟ ମେସିନ ଆସି ଷ୍ଟ୍ରଙ୍ଗ ରୁମରେ ରଖାଯାଇ ସିଲ୍ କରାଯାଇଛି । ଆଜି ପୁରୀ କେନ୍ଦ୍ରୀୟ ବିଦ୍ୟାଳୟରେ ବିଭିନ୍ନ ରାଜନୈତିକ ଦଳର ଏଜେଣ୍ଟଙ୍କ ଉପସ୍ଥିତି ରେ ପ୍ରଶାସନ ଏଗୁଡିକ ରଖିଛି । ତେବେ ମେ ମାସ 23 ତାରିଖରେ ଭୋଟ ଗଣତି ଦିନ ଏହି ଇଭିଏମ ଓ ଭିଭିପାଟ ମେସିନ ଖୋଲାଯିବ ।
ଭିଡିଓ ସୌଜନ୍ୟ- ସମ୍ବାଦଦାତା, ପୁରୀ
ଏହାର ସୁରକ୍ଷା ପାଇଁ 24 ଘଣ୍ଟିଆ ସୁରକ୍ଷା କର୍ମୀ ସହ ସିସିଟିଭି କ୍ୟାମେରା ଲଗାଯାଇଛି । ତେବେ ଆସନ୍ତା 29 ତାରିଖରେ ନିମାପଡା ଓ କାକଟପୁର ନିର୍ବାଚନ ମଣ୍ଡଳୀର ନିର୍ବାଚନ ଅନୁଷ୍ଠିତ ହେବ । ଜଗତସିଂହପୁର ଲୋକସଭା ଅଧୀନରେ ଏହି ଦୁଇ ବିଧାନସଭା ନିର୍ବାଚନ ମଣ୍ଡଳୀ ଆସୁଛି । ତେବେ 27 ତାରିଖରେ ନିମାପଡା ଓ କାକଟପୁର ପାଇଁ ପୋଲିଂ ଅଧିକାରୀ ପୁରୀ କଣ୍ଟ୍ରୋଲ ରୁମରୁ ନିଜ ବୁଥ ଅଭିମୁଖେ ବାହାରିବେ ।