ପୁରୀ: କର୍ତ୍ତବ୍ୟ ଆଗରେ ସବୁକିଛି ତୁଚ୍ଛ । କର୍କଟ ରୋଗରେ ପୀଡିତ ଝିଅକୁ ଛାଡି କୋଭିଡ-19ରେ ଯୋଦ୍ଧା ଭାବରେ ଅହରହ ରାସ୍ତା ଉପରେ ସେବା ଯୋଗାଇ ଦେଉଥିବା କୋରୋନା ଯୋଦ୍ଧା ହରାଇଲେ ନିଜ 13 ବର୍ଷର ଝିଅ । ଡ୍ୟୁଟି ସମୟରେ ପାଇଥିଲେ ଝିଅର ମୃତ୍ୟୁ ଖବର । ଏଭଳି ହୃଦୟ ବିଦାରକ ଘଟଣା ଦେଖିବାକୁ ମିଳିଛି ପୁରୀ ଜିଲ୍ଲା ପିପିଲି ଅଞ୍ଚଳରେ ।
ମହିଳା ହୋମଗାର୍ଡ ଭାବେ କାର୍ଯ୍ୟରତ ଗୌରୀ ବେହେରାଙ୍କ ଆଖିରେ ଆଖିଏ ଲୁହ, ଛାତିରେ ଛାତିଏ କୋହ । ତଥାପି ନିଜ କର୍ତ୍ତବ୍ୟକୁ ପଛରେ ପକାଇ ନାହାନ୍ତି ସେ । ଗତ 24 ତାରିଖରେ ଘଟିଛି ଏହି ଦୁଃଖଦ ଘଟଣା । ନିଜର ଏକମାତ୍ର ଝିଅ ସ୍ଥାନୀୟ ସ୍କୁଲରେ ଅଷ୍ଟମ ଶ୍ରେଣରେ ପଢୁଥିଲା । ହେଲେ କର୍କଟ ରୋଗରେ ପୀଡିତ ରୋଗୀଣା ଝିଅକୁ ଛାଡି କୋଭିଡ-19 ଲକଡାଉନରେ ଡ୍ୟୁଟି କରୁଥିଲେ ଗୌରୀ ।
କର୍ତ୍ତବ୍ୟ ବେଳେ କୋରୋନା ଯୋଦ୍ଧା ହରାଇଲେ ନିଜ ଝିଅ