ଆସୁଛନ୍ତି ହକି ଟିମ, ବାଲୁକା କଳାରେ ସ୍ବାଗତ କଲେ ସୁଦର୍ଶନ

ଆଜି(ମଙ୍ଗଳବାର) ଓଡିଶା ଆସୁଛନ୍ତି ଭାରତ ମହିଳା ଓ ପୁରୁଷ ହକି ଟିମ। ଭୁବନେଶ୍ବର ଏୟାରପୋର୍ଟରେ ବାଲୁକା ଚିତ୍ରଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ଏକ ସୁନ୍ଦର ବାଲୁକା ଚିତ୍ରକଳା କରି ଉଭୟ ଟିମକୁ ସ୍ବାଗତ କରିବା ସହ ଶୁଭେଚ୍ଛା ଦେଇଛନ୍ତି। ଅଧିକ ପଢନ୍ତୁ...

ପୁରୀ: ଆଜି(ମଙ୍ଗଳବାର) ଓଡିଶା ଆସୁଛନ୍ତି ଭାରତ ମହିଳା ଓ ପୁରୁଷ ହକି ଟିମ। ଏନେଇ ଉଭୟ ଟିମଙ୍କୁ ଆଜି ସମ୍ବର୍ଦ୍ଧିତ କରିବେ ରାଜ୍ୟ ସରକାର। ଟୋକିଓ ଅଲମ୍ପିକରେ ପୁରୁଷ ହକି ଟିମ ବ୍ରୋଞ୍ଚ ପଦକ ଜିତି ଦେଶକୁ ଗୌରବାନ୍ବିତ କରିଛି। ସେହିପରି ଅଲମ୍ପିକରେ ପ୍ରଥମ ଥର ପାଇଁ ମହିଳା ହକି ଟିମ ସେମିଫାଇନାଲକୁ ଯାଇଥିଲା। ଯାହାକି ମଧ୍ୟ ଏକ ରେକର୍ଡ ।

ଏଣୁ ଏହି ପରିପ୍ରେକ୍ଷୀରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଭୁବନେଶ୍ବରରେ ଭାରତୀୟ ମହିଳା ଓ ପୁରୁଷ ହକି ଟିମକୁ ସମ୍ବର୍ଦ୍ଧିତ କରିବେ । ଆଉ ଏହି ଅବସରରେ ଭୁବନେଶ୍ବର ଏୟାରପୋର୍ଟରେ ବାଲୁକା ଚିତ୍ରଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ଏକ ସୁନ୍ଦର ବାଲୁକା ଚିତ୍ରକଳା କରି ଉଭୟ ଟିମକୁ ସ୍ବାଗତ କରିବା ସହ ଶୁଭେଚ୍ଛା ଦେଇଛନ୍ତି।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ