ପୁରୀ: ହାଜତ ମୃତ୍ୟୁ ମାମଲା ଏବେ ଜଟିଳ ହେବାରେ ଲାଗିଛି । ଏକ ମୋବାଇଲ ଭିଡିଓରେ ମୃତକ କେ.ରମେଶଙ୍କ ପରିବାରକୁ ପ୍ରଲୋଭନ ଦେଉଛନ୍ତି ପୁରୀର ଜଣେ କାର୍ଯ୍ୟରତ ପୋଲିସ ଅଧିକାରୀ । ଯେଉଁ ଭିଡିଓ ଏବେ ଭାଇରାଲ ହେବାରେ ଲାଗିଛି । ପୋଲିସ ଅଧିକାରୀ ଜଣଙ୍କ ହେଉଛନ୍ତି ଜେ କେ ଦେହୁରୀ | ଯିଏ ଆସିଷ୍ଟାଣ୍ଟ କମାଣ୍ଡାଣ୍ଟ ହୋମ ଗାର୍ଡ ଭାବେ ପୁରୀରେ କାର୍ଯ୍ୟରତ ।
ହାଜତ ମୃତ୍ୟୁ ମାମଲା: ମୃତକଙ୍କ ପରିବାରକୁ ରାତି ଅଧରେ ଭେଟିଲେ ପୋଲିସ ଅଧିକାରୀ, ଭିଡିଓ ଭାଇରାଲ
ଗତକାଲି(ରବିବାର) ରାତି ଅଧରେ ମୃତକଙ୍କ ଦାଦା କେ ଆର୍ଯ୍ୟାଙ୍କୁ ତାଙ୍କ ଘରେ ଛାଡିଥିବା ବେଳେ ତାଙ୍କ ପରିବାରକୁ ଦେଇଛନ୍ତି ଅଜସ୍ର ପ୍ରତିଶୃତି । ଜମି ଯାଗା ମିଳିବ, କ୍ଷତିପୂରଣ ଦିଆଯିବ ଏପରିକି ପେନସନ ମଧ୍ୟ କରାଇଦେବା ପାଇଁ ମିଛ ପ୍ରତିଶୃତି ମଧ୍ୟ ଦିଆଯାଇଛି । ତେବେ ଏହି ପୋଲିସ ଅଧିକାରୀ ଜଣଙ୍କ ଡ଼ିଆଇଜିଙ୍କ ଅତ୍ୟନ୍ତ ଘନିଷ୍ଠ ହୋଇଥିବା ବେଳେ ହାଜତ ମୃତ୍ୟୁ ମାମଲାରେ ପରିବାର ସଦସ୍ୟଙ୍କୁ ଏଭଳି ପ୍ରଲୋଭନ ଦେଇ ଘଟଣାକୁ ଚପେଇ ଦେବାପାଇଁ ଉଦ୍ୟମ କରୁଥିବା ଅନୁମାନ କରାଯାଉଛି ।