ମହାପ୍ରଭୁଙ୍କୁ 9 ଲକ୍ଷ ଟଙ୍କାର ସ୍ବର୍ଣ୍ଣ ଅଳଙ୍କାର ସମର୍ପଣ କଲେ ଉତ୍ତରାଖଣ୍ଡ ଭକ୍ତ

ମହାପ୍ରଭୁଙ୍କ ନିକଟରେ 9 ଲକ୍ଷ ଟଙ୍କାର ସ୍ବର୍ଣ୍ଣ ଅଳଙ୍କାର ସମର୍ପଣ କରିଛନ୍ତି ଉତ୍ତରାଖଣ୍ଡ ବାସିନ୍ଦା । ମାନସିକ ପୂରଣ ହେବାପରେ ଏହି ଅଳଙ୍କାର ମହାପ୍ରଭୁଙ୍କୁ ଦାନ କରିଛନ୍ତି ଦିଲବାଗ ସିଂ । କହିଛନ୍ତି,"ମୋ ପାଖରେ ମହାପ୍ରଭୁଙ୍କୁ ଦେବାକୁ କିଛି ନାହିଁ । ମହାପ୍ରଭୁଙ୍କୁ ଦେବାକୁ ମୁଁ କିଏ ? ଅଧିକ ପଢନ୍ତୁ

ପୁରୀ: ମାନସିକ ପୂରଣ ହେଲା । ଶ୍ରୀକ୍ଷେତ୍ର ଆସି ଶ୍ରୀଜିଉଙ୍କୁ ଦର୍ଶନ କଲେ ଉତ୍ତରାଖଣ୍ଡ ମାନସିକଧାରୀ ଭକ୍ତ । ଏହାସହ ପତ୍ନୀଙ୍କ ମାନସିକ ପୂରଣ ହୋଇଥିବାରୁ ବିଶ୍ବନିୟନ୍ତଙ୍କ ଉଦ୍ଦେଶ୍ୟରେ ଶ୍ରୀମନ୍ଦିର ପ୍ରଶାସନକୁ ପ୍ରାୟ 9 ଲକ୍ଷ ଟଙ୍କାର ସ୍ବର୍ଣ୍ଣ ଅଳଙ୍କାର ସମର୍ପଣ କରିଛନ୍ତି ଉତ୍ତରାଖଣ୍ଡରୁ ଆସିଥିବା ଭକ୍ତ ।

ଉତ୍ତରାଖଣ୍ଡ ବାସିନ୍ଦା ମହାପ୍ରଭୁଙ୍କ ଭକ୍ତ ଦିଲବାଗ ସିଂ କହିଛନ୍ତି, "ମୋ ପାଖରେ ମହାପ୍ରଭୁଙ୍କୁ ଦେବାକୁ କିଛି ନାହିଁ । ମହାପ୍ରଭୁଙ୍କୁ ଦେବାକୁ ମୁଁ କିଏ ? ଦାରୁବ୍ରହ୍ମ ଜଗନ୍ନାଥ ମତେ ଯାହା ଦେଇଥିଲେ ତାହାକୁ ମୁଁ ମହାପ୍ରଭୁଙ୍କୁ ସମର୍ପଣ କରୁଛି । ଭଗବାନଙ୍କୁ ଦାନ ଦେବାକୁ ଆମେ କିଏ ? ସବୁ ପ୍ରଭୁ ଆମକୁ ଦେଇଛନ୍ତି । ଆମେ ତାଙ୍କୁ ତାଙ୍କର ଦେଇଥିବା ପ୍ରସାଦକୁ ସମର୍ପଣ କରୁଛୁ ।" ସେହିପରି କହିଛନ୍ତି ଆମର ଏକ ସୁନା ଦୋକାନ ରହିଛି । ମହାପ୍ରଭୁଙ୍କ ନିକଟରେ ପତ୍ନୀଙ୍କ ମାନସିକ ଥିଲା । ପୂରଣ ହୋଇଛି । ଆମେ କିଛି ଦେଇନାହୁଁ । ଯାହା ପ୍ରଭୁ ଦେଇଥିଲେ ତାହାକୁ ସମର୍ପଣ କରୁଛୁ ।

ସେହିପରି ଭଗବାନ ଜଗନ୍ନାଥଙ୍କ ଦର୍ଶନ ଭଲରେ ଭଲରେ ହୋଇଥିବାରୁ ଆମେ ବହୁତ ଖୁସି । ଏହା ହିଁ ଜୀବନରେ ଦରକାର । ଆଉ କିଛି ଦରକାର ନାହିଁ ବୋଲି କହିଛନ୍ତି ଭକ୍ତ ଜଣଙ୍କ । ଶ୍ରୀମନ୍ଦିର ପ୍ରଶାସନର ସୂଚନା ଅନୁସାରେ ପ୍ରାୟ ୯ ଲକ୍ଷ ଟଙ୍କାର ସୁନା ଅଳଙ୍କାର ମହାପ୍ରଭୁଙ୍କ ଉଦ୍ଦେଶ୍ୟରେ ଶ୍ରୀମନ୍ଦିରକୁ ସମର୍ପଣ କରିଛନ୍ତି ଭକ୍ତ । ତିନି ଠାକୁରଙ୍କ ପାଇଁ ୧୪୭ ଗ୍ରାମର ତିନୋଟି ସ୍ବର୍ଣ୍ଣ ଅଳଙ୍କାର ଆଜି ଶ୍ରୀମନ୍ଦିର ପ୍ରଶାସନ ଡୋନେସନ ସେଲ୍‌ରେ ଦାନ କରିଛନ୍ତି ଉତ୍ତରାଖଣ୍ଡର ଦମ୍ପତି ଶିଲାଦାନି ଓ ଦିଲବାଗ ସିଂ।

ଦିଲବାଗଙ୍କର ଉତ୍ତରାଖଣ୍ଡରେ ଏକ ଜୁଏଲାରୀ ଦୋକାନ ଅଛି । ସେ ଯେତେବେଳେ ଯାହା ମାଗିଛନ୍ତି ମହାପ୍ରଭୁ ତାଙ୍କର ସବୁ ମାନସିକ ପୂରଣ କରିଛନ୍ତି ବୋଲି ସେ କହିଛନ୍ତି । ତେଣୁ ମହାପ୍ରଭୁଙ୍କୁ ଏହି ସୁନା ଅଳଙ୍କାର ଅର୍ପଣ କରି ସେ ନିଜକୁ ଭାଗ୍ୟବାନ ମନେ କରିଛନ୍ତି ।

ଇଟିଭି ଭାରତ, ପୁରୀ