ପୁରୀ: କେନ୍ଦ୍ର ସରକାର ଅନଲକ-4ରେ ଅନେକ କଟକଣା କୋହଳ କରିଥିବାବେଳେ ରାଜ୍ୟରେ ମଧ୍ୟ କଟକଣା କୋହଳ ହୋଇଛି । ଏହି କ୍ରମରେ ଶ୍ରୀକ୍ଷେତ୍ର ପୁରୀକୁ ପର୍ଯ୍ୟଟକ ଆସିବା ନେଇ ଥିବା କଟକଣା ରାଜ୍ୟ ସରକାର ଉଠାଇ ନେଇଛନ୍ତି ।
ପୁରୀରେ ହୋଟେଲ ମଧ୍ୟ ଖୋଲିଥିବାବେଳେ ପର୍ଯ୍ୟଟକଙ୍କ ପାଇଁ ବୁକିଂ ମଧ୍ୟ ଆରମ୍ଭ ହୋଇଛି । ତେବେ ଶ୍ରୀମନ୍ଦିର ଏ ପର୍ଯ୍ୟନ୍ତ ଭକ୍ତଙ୍କ ପ୍ରବେଶ କଟକଣା ଥିବାରୁ ପୁରୀକୁ ପର୍ଯ୍ୟଟକ ଆସିବା ନେଇ ଆଶଙ୍କା ରହିଛି । ଏଣୁ କୋଭିଡ ଗାଇଡ଼ଲାଇନ ଅନୁଯାୟୀ ସବୁ ନିୟମକୁ ଅନୁକରଣ କରାଯାଇ ଶ୍ରୀମନ୍ଦିରକୁ ଭକ୍ତଙ୍କ ପ୍ରବେଶ କଟକଣା କୋହଳ କରିବାକୁ ଦାବି ଜୋର ଧରିବାରେ ଲାଗିଛି ।
ଅନଲକ 4.0: ଶ୍ରୀମନ୍ଦିରରେ ଭକ୍ତଙ୍କ ପ୍ରବେଶ ଦାବି