ଦାଦାବଟି ମାଗିବା ଅଭିଯୋଗରେ 2 ଗିରଫ

ପୁରୀ ଜିଲ୍ଲାରେ ପର୍ଯ୍ୟଟକଙ୍କ ଗାଡି ଚାଳକଙ୍କ ଠାରୁ ଦାଦାବଟି ମାଗିବା ଅଭିଯୋଗରେ ଦୁଇଜଣଙ୍କୁ ଗିରଫ କରିଛି ପୁରୀ ପୋଲିସ । ଅଧିକ ପଢନ୍ତୁ...

ପୁରୀ: ଦାଦାବଟି ମାଗି ପୋଲିସ ପଞ୍ଝାରେ ଦୁଇ ଅଭିଯୁକ୍ତ । ପୁରୀ ଜିଲ୍ଲାରେ ପର୍ଯ୍ୟଟକଙ୍କ ଗାଡି ଚାଳକଙ୍କଠାରୁ ଦାଦାବଟି ମାଗିବା ଅଭିଯୋଗରେ ଦୁଇଜଣଙ୍କୁ ଗିରଫ କରିଛି ପୁରୀ ପୋଲିସ ।

ସୂଚନାଅନୁସାରେ, ଗତ 13 ତାରିଖ ଦିନ ପୁରୀକୁ ଆସିଥିବା ଜଣେ ପର୍ଯ୍ୟଟକଙ୍କ ଗାଡି ବାଳିଆ ପଣ୍ଡା ଥାନା ଅନ୍ତର୍ଗତ ଲାଇଟ ହାଉସ ଛକ ନିକଟରେ ରହିଥିଲା । ସେଠାରେ କିଛି ଦୁବୃର୍ତ୍ତ ଗାଡି ପାର୍କିଂ ପାଇଁ ଗାଡି ଚାଳକଙ୍କୁ ମରଣାସ୍ତ୍ର ଦେଖାଇ ତାଙ୍କ ଠାରୁ ଦାଦାବଟି ମାଗିଥିଲେ । ଏ ନେଇ ବଳିଆ ପଣ୍ଡା ଥାନାରେ ଅଭିଯୋଗ ହୋଇଥିଲା ।

ଘଟଣାର ଖବର ପାଇ ବଳିଆ ପଣ୍ଡା ପୋଲିସ ପକ୍ଷରୁ ଚଢାଉ କରାଯାଇଥିଲା । ପୋଲିସ ସେହିଦିନ ରୋହିତ ସାହା ନାମକ ବ୍ୟକ୍ତିକୁ ଗିରଫ କରି କୋର୍ଟ ଚାଲାଣ କରିଥିଲା । ତେବେ ସେ ସ୍ଥାନୀୟ ଅଞ୍ଚଳ ବାସିନ୍ଦା ଦୁଇ ଭାଇ ଅଜୟ ପ୍ରଧାନ ଓ ବିଜୟ କୁମାର ପ୍ରଧାନଙ୍କ ଇଙ୍ଗିତରେ ଏହି କାର୍ଯ୍ୟ କରିଥିବା ଜଣାପଡିବା ପରେ ପୋଲିସ ଚଢାଉ କରି 2 ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି।

ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ