ପୁରୀ: ଗତବର୍ଷ ଭଳି ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ କୋଣାର୍କ ନିକଟସ୍ଥ ବେଳାଭୂମିରେ ଡିସେମ୍ବର ପ୍ରଥମ ସପ୍ତାହରୁ ଫେବୃଆରୀ ଶେଷ ସପ୍ତାହ ପର୍ଯ୍ୟନ୍ତ 3 ମାସ ଧରି ଇକୋ ରିଟ୍ରିଟ ଅୟୋଜନ କରିବାକୁ ସରକାର ପଦକ୍ଷେପ ନେଇଛନ୍ତି । ପର୍ଯ୍ୟଟକଙ୍କ ସୁରକ୍ଷା ପାଇଁ ରାଜ୍ୟ ସରକାରଙ୍କ କୋଭିଡ ଗାଇଡ ଲାଇନ ଅନୁଯାୟୀ ବିଭିନ୍ନ ବ୍ୟବସ୍ଥା କରାଯାଉଥିବା ବେଳେ ପୁରୀ ଜିଲ୍ଲା ପ୍ରଶାସନ ନିଜସ୍ବ ଉଦ୍ୟମରେ ମଧ୍ୟ କିଛି ବ୍ୟବସ୍ଥା କରିବ।
ଇକୋ ରି ଟ୍ରିଟକୁ ଆସିବାକୁ ଥିବା ପର୍ଯ୍ୟଟକଙ୍କର ହେବ କୋଭିଡ ଟେଷ୍ଟ
କୋଣାର୍କ ଇକୋ ରିଟ୍ରିଟ ସ୍ଥଳରେ ପର୍ଯ୍ୟଟନ ବିଭାଗ କୋରୋନା ଗାଇଡ ଲାଇନ ଅନୁଯାୟୀ ବ୍ୟବସ୍ଥା କରୁଥିବା ବେଳେ, ପୁରୀ ଜିଲ୍ଲା ପ୍ରଶାସନ ପକ୍ଷରୁ ମଧ୍ୟ ପର୍ଯ୍ୟଟକଙ୍କ ସୁରକ୍ଷା ପାଇଁ ସ୍ବତନ୍ତ୍ର ହେଲଥ ଟିମ ମୁତୟନ ରହିବେ ବୋଲି ଜିଲ୍ଲାପାଳ ବଲବନ୍ତ ସିଂ କହିଛନ୍ତି।