ପୁରୀ: ଆଜି(ରବିବାର)ଠୁ ଆରମ୍ଭ ହୋଇଛି ମହାପ୍ରଭୁଙ୍କ ରଥ ନିର୍ମାଣ କାର୍ଯ୍ୟ । ଗତକାଲି ଅକ୍ଷୟ ତୃତୀୟା ଅବସରରେ ରଥ ନିର୍ମାଣ ଅନୁକୂଳ ହେବା ପରେ ନିର୍ମାଣ କାର୍ଯ୍ୟ ଆରମ୍ଭ ହୋଇଛି । କରତି ସେବକମାନେ ରଥଖଳାରେ ନିର୍ମାଣ କାର୍ଯ୍ୟ ସକାଳୁ ଆରମ୍ଭ କରିଥିବା ଦେଖିବାକୁ ମିଳିଛି ।
ମହାପ୍ରଭୁଙ୍କ ରଥ ନିର୍ମାଣ କାର୍ଯ୍ୟ ଆରମ୍ଭ
ପରମ୍ପରା ଅନୁଯାୟୀ ଅକ୍ଷୟ ତୃତୀୟାରେ ବିଶ୍ବକର୍ମା ମହାରଣା ଲୁହାର କୁରାଢ଼ୀରେ ସ୍ପର୍ଶ ଦେଇ ରଥ ନିର୍ମାଣ କାର୍ଯ୍ୟକୁ ଅନୁକୂଳ କରିଥିଲେ। ପରେ ରଥ ଖଳାରେ ତୁମ୍ବ କାର୍ଯ୍ୟ ଆରମ୍ଭ ପାଇଁ ମାପ ସହ ଖୋଦେଇ କରିଥଲେ। ରବିବାର ସକାଳୁ ସେହି ମାପରେ ଆରମ୍ଭ ହୋଇଛି ତୁମ୍ବ ହଣା କାର୍ଯ୍ୟ । କରତି ସେବକମାନେ ଏହି କାର୍ଯ୍ୟ ରଥ ଖଳାରେ ଆରମ୍ଭ କରିଛନ୍ତି ।