ଶ୍ରୀମନ୍ଦିର ଦକ୍ଷିଣ ଦ୍ବାର ଶ୍ରୀରାମ ମନ୍ଦିରରୁ ଚୋରି ଅଭିଯୋଗ

କଡା ସୁରକ୍ଷା ବ୍ୟବସ୍ଥା ମଧ୍ୟରେ ଶ୍ରୀମନ୍ଦିରର ଦକ୍ଷିଣ ଦ୍ବାର ଶ୍ରୀରାମ ହୁଣ୍ଡିରୁ ଚୋରି ଅଭିଯୋଗ। ଏଥିସହିତ ମନ୍ଦିରରୁ 2ଟି ମୂର୍ତ୍ତି ଚୋରି କରିଛନ୍ତି ଦୁର୍ବୃତ୍ତ। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।

ପୁରୀ: ଶ୍ରୀମନ୍ଦିର ଭିତରୁ ଚୋରି ହୋଇଥିବା ଅଭିଯୋଗ ହୋଇଛି। ମନ୍ଦିରର ଦକ୍ଷିଣ ଦ୍ବାରରେ ଥିବା ଶ୍ରୀ ରାମଚନ୍ଦ୍ରଙ୍କ ହୁଣ୍ଡିରୁ ଏହି ଚୋରି ହୋଇଛି। ଏଥିସହିତ ମନ୍ଦିରରୁ 2ଟି ମୂର୍ତ୍ତି ଲୁଟି ନେଇଛନ୍ତି ଦୁର୍ବୃତ୍ତ।

24 ଘଣ୍ଚିଆ ସୁରକ୍ଷା ବ୍ୟବସ୍ଥା ଭିତରେ ଥିବା ଶ୍ରୀମନ୍ଦିରରୁ ଚୋରି ଘଟଣା ପୋଲିସ ପ୍ରଶାସନର ବ୍ୟବସ୍ଥା ପ୍ରତି ଅଙ୍ଗୁଳି ନିର୍ଦ୍ଦେଶ କରିଛି । ସେପଟେ ପୁରୀ ଏସପି ନିଜେ ଘଟଣାସ୍ଥଳ ପରିଦର୍ଶନ କରି ତଦନ୍ତ କରୁଛନ୍ତି । ତେବେ ଦୁର୍ବୃତ୍ତମାନେ କିଭଳି ଓ କେଉଁ ପରିସ୍ଥିତରେ ମନ୍ଦିରରୁ ଚୋରି କରିଛନ୍ତି ତାହା ଏବେ ସାଧାରଣରେ ପ୍ରଶ୍ନ ସୃଷ୍ଟି କରିଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ