ପୁରୀ: ରଥଯାତ୍ରା ବନ୍ଦ ପ୍ରସଙ୍ଗକୁ ନେଇ ଛତିଶା ନିଯୋଗ ବୈଠକ ଅନୁଷ୍ଠିତ ହୋଇଯାଇଛି। ବୈଠକ ଶେଷ ହେବାପରେ ଗଜପତି ମହାରାଜା ଦିବ୍ୟସିଂହ ଦେବ କହିଛନ୍ତି, ବୈଠକରେ ପ୍ରାୟ ସାଢେ ୩ ଘଣ୍ଟା ଧରି ଆଲୋଚନା ହେଲା।
ଶ୍ରୀମନ୍ଦିର ପରିଚଳନା କମିଟି ଓ ଛତିଶା ନିଯୋଗ ବୈଠକ ଜାରି
ରଥଯାତ୍ରା ପ୍ରସଙ୍ଗରେ ସୁପ୍ରିମକୋର୍ଟରେ ସରକାର ସାନି ମତ ରଖିବା ଉପରେ ମତ ପ୍ରକାଶ ପାଇଥିଲା। ମୂଳପୀଠରେ ରଥଯାତ୍ରା ବନ୍ଦ ହେବା କଥା ନୁହେଁ। ବିନାଭକ୍ତରେ ରଥଯାତ୍ରା ଲାଗି ପରିଚାଳନା କମିଟି ପ୍ରସ୍ତାବ ଦେଇଥିଲା। ହେଲେ ରାଜ୍ୟ ସରକାର ଗ୍ରହଣ କଲେନି। ଗଜପତି କହିଛନ୍ତି ଯେ ସୁପ୍ରିମକୋର୍ଟରେ ଦିଆଯାଇ ଥିବା ତଥ୍ୟ ୧୦ରୁ ୧୨ ଲକ୍ଷ ଭକ୍ତଙ୍କ ସମାଗମ ଆଶଙ୍କା ଠିକ୍ ନୁହେଁ। ସ୍ନାନଯାତ୍ରାରେ ଯେଭଳି ବିନା ଭକ୍ତରେ କରାଗଲା ସେଭଳି ତଥ୍ୟ ସୁପ୍ରିମକୋର୍ଟଙ୍କୁ ଜଣାଇ ଥିଲେ ରଥଯାତ୍ରା ପ୍ରସଙ୍ଗରେ କୋର୍ଟ ଅନୁକୂଳ ମନୋଭାବ ଦେଖାଇଥାନ୍ତେ । ରାଜ୍ୟ ସରକାରଙ୍କ ଓକିଲ ଏହି ତଥ୍ୟ ଦେଲେନି ସୁପ୍ରିମକୋର୍ଟରେ ।