ପୁରୀ : ଚଳିତ ବର୍ଷ ରଥ ନିର୍ମାଣ ନେଇ ପ୍ରଥମ ପର୍ଯ୍ୟାୟ କାର୍ଯ୍ୟ ପାଇଁ ରଥ କାଠ ପୁରୀରେ ଆସି ପହଞ୍ଚିଛି । 2 ଟି ଟ୍ରକରେ ସମୁଦାୟ 49 ଟି କାଠ ଆସିଛି । ଏହି କାଠ ଗୁଡିକ ମଧ୍ୟରେ ଧଉରା, ଆସନ କାଠ ରହିଛି । ଆସନ୍ତା ସରସ୍ୱତୀ ପୂଜା ଦିନ ରଥ ଖଳାରେ ତିନିଟି ଧଉରା କାଠ ପୂଜା ହେବାର ପରମ୍ପରା ରହିଛି ।
ପ୍ରତିବର୍ଷ ସରସ୍ୱତୀ ପୂଜା ପୂର୍ବରୁ ପୁରୀରେ ପ୍ରଥମ ପର୍ଯ୍ୟାୟ କାଠ ଆସି ପହଞ୍ଚି ଥାଏ । ଏହି କାଠ ନୟାଗଡ ବନଖଣ୍ଡ ଦଶପଲ୍ଲା ବନାଞ୍ଚଳରୁ ଆସିଛି । ତିନି ରଥ ପାଇଁ ମୋଟ 865 ଖଣ୍ଡ କାଠ ମୋଟ ଦରକାର ରହିଥାଏ । ତେବେ ପୁର୍ବ ବର୍ଷ 69 ଟି କାଠ ବଳକା ଭାବେ ଶ୍ରୀମନ୍ଦିର ପ୍ରଶାସନ ପାଖରେ ରହିଛି । ଏଣୁ, ଚଳିତ ବର୍ଷ 796 ଖଣ୍ଡ କାଠ ଆବଶ୍ୟକ ରହିଛି। ସେଥି ମଧ୍ୟରୁ ପ୍ରଥମ ପର୍ଯ୍ୟାୟରେ 49 ଖଣ୍ଡ କାଠ ଆସି ପହଂଚି ସାରିଥିବା ବେଳେ ପର୍ଯ୍ୟାୟ କ୍ରମେ ଅନ୍ୟ କାଠ ଗୁଡିକ ଆସିବ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ